«Менің отаным – Қазақстан»

«Менің отаным – Қазақстан»

туристік-өлкетану экспедициялық жасақтарының облыстық форумы

         Қарағанды облысы білім басқармасы, ББД оқу-әдістемелік орталығының ұйымдастыруымен Ақтоғай ауданының қала сыртындағы «Факел» маусымды сауықтыру лагерінің базасында 7-9 маусым күндері «Менің отаным – Қазақстан» туристік-өлкетану экспедициялық жасақтарының облыстық форумы өтті. Форум балалар-жеткіншектер туризмінің дамуына, отансүйгіштік пен азаматтыққа тәрбиелеуге, салауатты өмір салтын қалыптастыруға, мазмұнды демалыс ұйымдастыруға бағытталған әлеуметтік білім беру жобасы.
Аталмыш форумға облыстың қалалық және ауылдық аймақтары, «Дарын» мамандандырылған мектеп-интернатының командалары өңірдің 20 командасы қатысты. Команда құрамына 7-8 сынып оқушылары кіреді. Қарағанды қаласы атынан форумға №62 ЖББОМ оқушылары қатысып қайтты. Команда форумда жоғарғы дәрежеде көрсеткіштер көрсетіп  "Туризмдегі PR" номинациясы бойынша ГРАМОТА және Қарағанды облысы әкімдігінің 1000000 теңгелік «INTELLECTUM» кабинетін жабдықтауға арналған СЕРТИФИКАТЫН иеленді.
        Жеңімпаздарды құттықтаймыз.