Жайдарлы жаз

2018 жылдың 01 маусымы қала мектептерінде Халықаралық балаларды қорғау күніне орай балалар мен жасөспірімдер үшін мектеп жанындағы және профильдік легерлерінің салтанатты ашылуы өтті. 

Жаз мезгіліндегі мұндай жұмыстың басты мақсаты балалар мен жасөспірімдердің демалысын, сауықтыруын және бос уақытын ұйымдастыру, құқықбұзушылықтың алдын алу, балалар арасында салауатты өмір сүру салтын насихаттауда тиімді жағдай жасау болып табылады.     

Басты тәртіпте сауықтыру демалысымен жетім балалар, ата-анасының қамқорлығынсыз қалған балалар, әлеуметтік қорғалмаған отбасылардың балалары қамтылады. Сонымен қатар, басты назар девиантты мінез-құлықты балалардың демалысын ұйымдастыруға бөлінеді. 

Жаз айларында мектеп жанындағы және профильдік лагерлерде (тілдік, экологиялық, лингвистикалық, өлкетану, спорттық, спорттық туристік, еңбек; сонымен қатар, болашақ бірінші сынып - «дамытушылық», «бөбектер мектебі» және т.б.), соның ішінде ыстық тамақтандыруды ұйымдастыру арқылы сауықтыру демалысымен 30 мыңнан астам бала қамту жоспарланған. 

Мектеп жанындағы лагерлердің бағдарламасында әр түрлі іс-шаралар: шығармашылық және музыкалық байқаулар, кездесулер, ойындар, викториналар, спорттық жарыстар, қаланың мәдени ойын-сауық орталықтарына бару, экскурсиялар, демалыс орындарына, саябақтарға, кинотеатрларға, хайуанаттар саябағына баруды ұйымдастыру жоспарланған. Барлық жаз айларында мектеп жанындағы және профильдік лагерьлерге баратын балалармен қауіпсіздік сұрақтары бойынша сабақтар мен нұсқаулар жүргізіледі: суда жүзу, су қоймаларының маңайында, қоғамдық көлікте, темір жолда жүру және т.б.    

Демалыс пен бос уақыт сонымен қатар, көгалдандыру топтарында, жөндеу-құрылыс жасақтарында, жазғы мектепте, балалар және жасөспірімдер клубында, үйірмелер мен секцияларда ұйымдастырылады. Сол сияқты жаз айларында қосымша білім беру ұйымдарында да лагерь жұмыстары және үйірмелер ұйымдастырылады. 

01.06.2018 16:57