Білім беру жүйесін дамыту бағытындағы мемлекетіміздің басым сұрақтарының бірі – инклюзивті білім беру. Қазіргі таңда Қазақстанда инклюзивтік білім берудің ресурстық орталықтары жүйесі қызмет атқарады. Олардың басты мақсаты – инклюзивті білім беруге ғылыми-әдістемелік, ақпараттық-кеңестік және оқыту-ұйымдастырушылық көмек көрсету, сонымен қатар инклюзивті білім берудің идеялары мен құндылықтарын кеңінен тарату.
2018 жылдың 22 мамырында № 27 жалпы білім беру орта мектебі ғимаратында «Инклюзивті білім берудің ресурстық орталығы: тәжірибесі, мәселелері, болашағы» тақырыбындағы республикалық дөңгелек үстел өткізілді. Шараның ұйымдастырушылары: «Сорос-Казахстан» Халықаралық қоры, «Лучик надежды» Қоғамдық бірлестігі, № 27 орта мектеп жанындағы инклюзивті білім берудің ресурстық орталығы. Жиынға ҚР Министрлігінің, Ы.Алтынсарин атындағы білім академиясының, Алматы қаласында орналасқан «Открытая школа» қоғамдық білім беру қорының, Астана қаласының «Ақпараттық талдау орталығы» акционерлік қоғамының, Қарағанды облысы білім басқармасының, Қарағанды облысы оқу-әдістемелік орталығының, Қарағанды қаласы білім бөлімінің өкілдері және «Ы.Алтынсарин атындағы глубоковск орта мектебі», Семей, Көкшетау, Орал, Ақтөбе, Өскемен, Алматы қалалары ресурстық орталықтарының басшылары, орынбасарлары, инклюзивті білім беруді үйлестіруші қызметкерлері қатысты.
Дөңгелек үстел шеңберінде инклюзивті білім беру бойынша ресурстық орталықтарды қызметі туралы толғандырып жүрген негізгі сұрақтар талданды. Шараға қатысушылардың ресурстық орталық жұмысының тәжірибесімен алмасу жұмысы қызу кеңес және белсенді талдау түрінде өтті.
Дөңгелек үстел жұмысының қорытындысында Ресурстық орталықтардың бүгінгі күнгі іс-тәжірибесіне талдау жасалып, олардың жұмысын ұйымдастыру және нормативтік-құқықтық жағынан реттеу бойынша ұсыныстар зерделенді. Қазақстан Республикасы БжҒМ мектепке дейінгі және орта білім беру департаментінің инклюзивті және арнайы білім беру басқармасының басшысы Кудеринова Айгерим Мерекеевна Қазақстан Республикасының білім беру саласындағы заңнамаларға өзгерістер енгізілгенін айтып кетті.
Аймақтарда орналасқан ресурстық орталықтардың басшыларының бірауыздан білдірген тілегі – осындай орталық қызметінің нормативтік-құқықтық жағынан реттелуі мен оларға қаржылық көмек көрсетілету сұрақтары болды.
