«Жыл оқушысы - 2018» VII қалалық байқаудың ақтық мәресі

2018 жылғы 18 мамыр күні  Балалар мен жасөспірімдер сарайында  «Жыл оқушысы - 2018» VII қалалық байқаудың ақтық мәресі болып өтті.

Бұл байқау Қарағанды қаласы әкімдігінің қолдауымен Қарағанды қаласының білім бөлімі бекіткен "Дарынды балалар" жобасының құрамдас бөлігі, яғни оқушылардың  білім деңгейін арттыру үшін,  білімнің әр саласы бойынша шығармашылық және зерттеу жұмыстарына тарту,жеке тұлғалық қабілеттердің жаңа деңгейін қалыптастыру, болашақтағы қоғамның зиялы қауымын - талантты және қызығушылықтары жоғары оқушыларды анықтау, дамыту және қолдау көрсетуге жағдай жасау.

Биылғы жылы байқауға Қарағанды қаласының мектептерінен 158 оқушы қатысты. Екі кезеңнің қорытындысы - эссе жазу, шешендік шеберлік таныту, сондай-ақ үшінші сырттай кезеңнің - оқушы жетістігінің портфолиосын сараптау нәтижесінде  ақтық кезеңге қатысатын 27 оқушы анықталды.Төртінші кезең Қарағанды қаласы білім бөлімінің сайтында жүргізілгенon-lineдауыс беру болды.Байқаудың бұл кезеңі байқауға қатысушылардың қала, облыс, республика көлемінде қатар-құрбыларының арасында белгілі болуы үшін және байқауға жарнама ретінде, оқушылардың өз мектептері мен қаламыздың үздік оқушылары екендігін жариялау мақсатында өткізіледі.  23 сәуірден білім бөлімінің сайтында оn-line дауыс беру жүйесі бойынша біздің финалистерге 42 мың адам дауыс берген..

Байқаудың ақтық кезеңінде қатысушылар өздерін әр қырынан көрсете білді. Көрермендерге өздерінің әуес істері мен қызығушылықтары туралы әңгімелеп берді. Әрбір қатысушының  көрсетілімі сыныптастарының, ата-аналары мен мұғалімдерінің көмектері арқасында қызықты, керемет және ерекше болды!

27 оқушы қатысқан ақтық мәреде 6, 7, 8, 9, 10 және 11-сынып оқушыларының арасынан 2018 жылдың үздік оқушылары анықталды.

6-сынып оқушыларының арасынан 2018 жылғы үздік оқушы атағын

№ 85 ЖББОМ оқушысы    Ахмеджарова Карина жеңіп алды.

7-сынып оқушыларының арасынан 2018 жылғы үздік оқушы атағын

№ 46 ЖББОМ оқушысы   Калашникова Виктория жеңіп алды.

8-сынып оқушыларының арасынан 2018 жылғы үздік оқушы атағын

№ 93 гимназия оқушысы Ким Екатерина жеңіп алды.

9-сынып оқушыларының арасынан 2018 жылғы үздік оқушы атағын

№ 36 ЖББОМ оқушысы Жақиянова Аяулым жеңіп алды.

10-сынып оқушыларының арасынан 2018 жылғы үздік оқушы атағын

№ 33 МББК оқушысы Шипилова Елизавета жеңіп алды.

11-сынып оқушыларының арасынан «Жыл оқушысы-2018» атағына № 23 ЖББОМ оқушысы Мейрманов Жандос ие болды.

11-сынып оқушыларының арасынан «Жыл оқушысы-2018» атағын

№ 16 ЖББОМ оқушысы Цхай Татьяна иеленді.

Цхай Татьяна мен  Мейрманов Жандос Қарағанды қаласының барлық мектеп бітіруші түлектерінің атынан Соңғы қоңырау мерекесіне арналған салтанатты ісшарада құттықтау сөз айту құқығына ие болды.

Байқаудың барлық жеңімпаздары ленталармен, дипломдармен және планшеттік компьютерлермен марапатталды. Мейрманов Жандос мен  Цхай Татьяна сыйлыққа бейнекамера алды.

Байқаудың әрбір финалисті диплом және бағалы сыйлықтармен марапатталды.

Қарағанды қаласының білім бөлімі барлық қатысушыларға, ата-аналарға, білім ұйымдарына, жанкүйерлерге байқауға белсене атсалысқандары үшін алғыс білдіреді. Барлық жеңімпаздар мен жүлдегерлерді құттықтаймыз!Және «Жыл оқушысы – 2019» байқауына қатысуға шақырамыз.

Ерекше шешім:

Оn-line дауыс беру нәтижесінде 6-сынып оқушылары арасында ең танымал болған  3244 дауыс жинаған №85 ЖББОМ оқушысы Ахмеджарова Карина.

7-сынып оқушыларының арасынан 4392 дауыс жинаған № 53 ЖББОМЛ оқушысы Кәдірбекова Диляра үздік оқушы атанды.

Оn-line дауыс беру нәтижесінде 8-сынып оқушылары арасында жеңімпаз  болған 1058 дауыс жинаған №93 гимназия  оқушысы Ким Екатерина.

Оn-line дауыс беру нәтижесінде 9-сынып оқушылары арасында ең танымал болған  3116 дауыс жинаған №54 ЖББОМ оқушысы Байдәулетова Айдана.

10-сынып оқушылары арасында үздік шыққан 2887 дауыс жинаған №92 гимназия  оқушысы Султанова Аяжан.

11-сынып оқушылары арасында on-line дауыс беру нәтижесі бойынша жеңімпаз № 93 гимназия оқушысы  Толегенова Акнур. Ол үшін 2054 адам дауыс берген.

Олардың барлығы «Жыл оқушысы» байқауының құрылтайшысы Қарағанды қаласы білім бөлімінің  сайтында on-line дауыс беруді қолдаушы «Финист» компаниясының (Павлодар қаласы) дипломдарымен және бағалы сыйлықтарымен  марапатталды.