Қанипа Бітібаеваға арналған I аймақтық ғылыми-тәжірибелік конференция»

    Қарағанды қаласы білім бөлімінің жоспарына сәйкес  ЖББ №77 МБК базасында   «Құрмет» орденінің иегері, КСРО Мемлекеттік сыйлығының лауреаты, ҚР Педагогика ғылымдар академиясының академигі, Қазақстан Республикасының еңбек сіңірген мұғалімі Қ.О.Бітібаеваның құрметіне орай I аймақтық ғылыми-тәжірибелік конференциясы өтті. Мектеп директоры Жантыбаева Зайраш Рахметалиновна конференцияның мақсат, міндетімен таныстырып, конференцияға қатысушыларға сәттілік тіледі. ҚББ басшының м.а Кенешева Р.А. құттықтау сөз сөйлесе,  Өскемен қаласының дарынды балаларға арналған облыстық Жамбыл атындағы мамандандырылған мектеп-гимназия – интернаты директорының инновациялық жұмыстары жөніндегі орынбасары Ауғанбаева Бақыткүл Омарғалиевна мен Бақытжан Омарғалиевна, Мейрамгүл Кенжеғалиевнаның, ардагар ұстаз Күліш Төлеухановнаның  қатысуымен Қ.Бітібаеваға арналған «Тілтаным» залының  ашылу салтанаты болды.   Пленарлық мәжілісте «Өрлеу БАҰО» АҚ филиалы ПҚ БАИ «Тұлғаны тәрбиелеу және әлеуметтендіру» кафедрасының аға оқытушысы Смағұлова Ғазиза Ғабдоллақызы, Болашақ академиясының доценті, ф.ғ.к., Нарманбеттанушы Бабашев Азат Мақсұтбекұлы, Қарағанды қаласы білім бөлімінің әдіскері Жаркеева Гулназ Бекетовна баяндама жасады.

     ЖББ №77 МБК, №68, №54, №36 ЖБОМ мұғалімдері Р.К.Тулешева, С.И.Абильгазин, З.З. Қасымжанова, Г.М.Қасым ұлағатты ұстаздың әдіс-тәсілдерін қолданып,  ашық сабақтар өткізді. Үш бағытта секция жұмыстары:  «Қ.Бітібаева іс-тәжірибесі – инновациялық технологияның қайнары», «Жаңартылған білім мазмұны – болашақтың кепілі», «Әдебиет пәнінің негізі – көркем шығарманы оқыту»  тақырыптарында Тауықбаева Б.М., Заркеева Д.Н., Шаймурат С, Кабиева Т.С., Елеубекова Ә.З., Дербисова И.Ж., баяндама жасаса, Есенжолова А.О., Ускенбаева Ш.С., Дәурен Б. Шеберлік сыныптар көрсетті. Қорытынды шығарылып, марапаттау рәсімі өткен соң  ЖББ №77 МБК ұжымының концерттік бағдарламасы көпшілікке ұсынылды. Аталмыш шараға 5 канал мен «Орталық Қазақстан» газетінің журналистері қатысып, сұхбат алды.  Конференцияға қатысушы мұғалімдер мен арнайы қонақтар  тарапынан шараның ұйымдастырылуына, өткізілген жұмыстарға жоғарғы баға берілді.