Оқу жылының соңына дейін бірнеше апта қалды.Осыған байланысты ата-ана қоғамдастығында жазғы демалыс, қорытынды аттестация, ҰБТ, мектептегі жөндеу жұмыстары, бітіру кештері туралы көптеген сұрақтар туындайды. Осы мәселелердің барлығы 3 мамыр күні № 23 мектептің негізінде өткен, Қарағанды қаласы білім бөлімінің өкілдерімен кездесуде мектептердің қамқоршылық кеңесі төрағаларымен ашық диалогта талқыланды.
«Орта білім беру ұйымдары үшін міндетті мектеп формасына қойылатын талаптарды бекіту туралы» Қазақстан Республикасы Білім және ғылым министрлігінің 2016 жылғы 14 қаңтардағы № 26 бұйрығын түсіндіруге ерекше назар аударылды.
Кездесуге «Атамекен» Кәсіпкерлер палатасының өкілдері қатысты. Ата-аналарға Қарағанды облысындағы мектеп формасын өндірушілер туралы ақпарат беріліп, мектеп формаларының бірнеше түрлері көрсетілді. Модельдердің рөлін №23 орта мектептің оқушылары орындады.
Ата-аналардан алдағы жұмыста ескерілетін бірқатар ұсыныстар түсті.
Бұл кездесуді онлайн режимінде мектеп әкімшілігі мен ата-ана қоғамдастығының өкілдері қарады.
Байланыс телефондары
