2 наурызда № 57 мектеп-лицей негізінде Қарағанды қаласы әкімінің орынбасары И.Ю. Любарскаяның қатысуымен мектепке дейінгі тәрбие беру саласындағы қызметтерді автоматтандыру жүйесінің жұмысы туралы брифинг өтті.
«Мектепке дейінгі ұйымдар қызметі үдерісін автоматтандыру» бағдарламасының әзірлеушілері «CUSTOM SOLUTION CENTER» ЖШС мамандары ата-аналар қауымдастығына жаңа ақпараттық жүйені таныстырды, оның артықшылықтары мен жолдамаларды алудың алгоритмі туралы айтып берді, сондай-ақ Қарағанды қаласының әкімдігі, білім бөлімі және мектепке дейінгі ұйымдар басшыларының бірлескен күш-жігері арқасында қалада жүйені енгізу тез және табысты болды.
Қаңтар айының соңында электрондық үкімет порталындағы мектепке дейінгі ұйымдарға кезек беру порталы garden.kargoo.gov.kz жаңа ақпараттық жүйесіне ауысты.
2018 жылдың 12 ақпанынан бастап, ата-аналар балаларын кезекке тіркеу және жолдама алу үшін компьютер немесе ұялы құрылғы арқылы дербес тіркеле алады.
Порталдың басты бетінде кезектегі балалардың саны, жеңілдік алушылар туралы, алынған жолдамалар және т.б. статистикалық деректер күнделікті жаңартылады.
Қазіргі уақытта мектепке дейінгі мекемелерде 3-тен 6 жасқа дейінгі балаларға арналған мыңға жуық бос орын бар, сонымен қатар осы жас санатында кезек бар.
Сондықтан, әкімдіктер мен білім беру бөлімі бұқаралық ақпарат құралдары арқылы ата-аналарды мектепке дейінгі ұйымдарға жолдама алуы бойынша өз іс-әрекеттерін белсендіруге шақырады.
Білім беру бөлімінде холлда компьютермен және интернетпен жабдықталған арнайы жұмыс орны ұйымдастырылған, онда ата-аналар кез келген жұмыс уақыт уақытында өз бетімен немесе мамандардың көмегі арқылы жолдама ала алады.
Алғашқы күндерде ата-аналарды баланың реттік нөмірі үлкен жаққа өзгергендігі ерекше алаңдатты.
Бірақ, тәжірибе көрсеткендей, бұл жолдама алуға әсер етпейді. Ең бастысы - бос орындар туралы ақпаратты үнемі қарап отыру керек.
Брифинг барысында ата-аналар сұрақтарды белсенді қойды, брифингке қатысқан әкелердің бірі «Дарынды бала-3» жекеменшік балабақшасына жолдама алды.
Contacts
