Қарағанды қаласы білім бөлімінің бастамасымен 2018 жылдың 02 наурызында № 23 жалпы білім беретін орта мектебі «Алғырлар - 2018» атты үздік зерттеу жобалары фестиваліне есігін ашты.
VІІІ қалалық жас зерттеушілердің «Алғырлар - 2017» фестивалі – бұл Қарағанды қаласының инновациалық, эксперимендалдық және жалпы орта білім беретін мектептеріндегі дарынды оқушыларды анықтаудың бір тәсілі.
Қуантатын жағдай, қонақтардың сұрақтарына оқушыларымен бірге ғылыми жетекшілері де жауап берді. Жетекшілер - Қарағанды мектептерінің шығармашылық ізденіс үстіндегі мұғалімдер, жас зерттеушілердің ғылыми ізденуіне жол ашушылар. Пленарлық отырыста білім, ғылым мен техниканы дамыту, экология мәселелеріне қатысты №57 МЛ, №101 МЛ, №93 гимназия мен СОШ №41 орта мектебінің ең үздік жоба жұмыстары тыңдалды.
«Алғырлар – 2018» атты фестиваль сегізінші жыл өткізілуде. Бүгін өз жобаларын 67 білім ұйымдарының оқушылары өз жобаларын «Математика, физика», «Информатика, экономика», «Тарих, этномәдениет», «Экология, биология, химия», «Өлкетану», «Тіл білімі» секцияларында қазақ және орыс тілдерінде қорғайды.
«Алғырлар - 2018» озық жобалардың қалалық фестивалі аясында шығармашылық ізденісте құрған зерттеушілік жобалары үшін, секция отырысына белсене қатысып, өз пікірін білдірген қатысушыларға дипломдар мен сертификаттар беріледі.
№23 ЖББОМ директоры Н.Ж.Ашықбаев және мектеп ұжымына Қарағанды қаласының білім бөлімі алғыс білдіреді.
Оқушылар мен педагогтердің аталған фестивальге деген қызығушылығы жоғары деңгейде.
Contacts
