Жеңімпаздар шеруі!

     2018 жылғы 02 ақпанда Қарағанды қаласының Балалар және Жеткіншектер сарайында қала әкімінің  орынбасары И.Ю.Любарскаяның қатысуымен Республикалық  олимпиаданың қалалық кезеңінің жеңімпаздары мен жүлдегерлерін марапатау рәсімі болып өтті.  
     Сарайында қаланың 43  мектебінен келген өз пәнінің білгірі екенін дәлелдей алған  оқушылар, ата-аналар,  педагогикалық еңбек ардагерлері, білім ұйымдарының басшылары қатысып отырды.
     Қала әкімінің орынбасары И.Ю. Любарская олимпиада жеңімпаздарына өз сөзін арнай отырып: «Сендер біздің мақтанышымызсыңдар! Сендер тек өздеріңді ғана емес мектептеріңді де лайықты көрсете білдіңдер. Ой саналарыңның кеңдігін, өз білімдеріңнің тереңдігін, ойлау ерекшеліктеріңді, ең бастысы үздік болуға деген құлшыныстырыңды  лайықты деңгейде көрсете алдыңыздар»
Марапаттау рәсімінде  И.Ю. Любарская  соңғы 4 жыл бойы әр түрлі деңгейдегі  пән олимпиадалары мен зияткерлік сайыстардың  жеңімпаздары мен жүлдегерлері атанған   оқушылардың ата-аналарына Қарағанды қаласының әкімі Н.Е.Әубәкіровтің алғыс хатын табыс етті.
     Оқушыларды құттықтауға педагогикалық еңбек ардагері, Қазақстан Республикасы білім беру саласының үздігі, «Қазақстан Республикасына еңбек сіңірген қызметкер» атағының иегері Төлеген Жұмашұлы Арконов; педагогикалық еңбектің ардагері, педагогикалық ғылымның кандидаты,  Қазақстан Республикасы білім беру саласының үздігі Константин Александрович Гейнц;  педагогикалық еңбектің ардагері, Қазақстан Республикасы білім беру саласының үздігі Танас Қасымович Нұғманов; Қазақстан Республикасы Білім және ғылым Министрлігінің төсбелгісінің иегері, «2017 жылғы Қазақстан Республикасының үздік педагогы» атағының иегері, № 30 жалпы білім беру орта мектебінің мұғалімі   Ольга Николаевна Ковалевская, Қарағанды облысы әкімінің «Мамандығына адалдығы үшін" сыйлығының 2017 жылғы иегері, № 38 гимназия мұғалімі  Ирина Александровна Окунева, «Қарағанды қаласының жыл мұғалімі – 2017» қалалық байқауының жеңімпазы, облыстық «Жыл мұғалімі – 2017» байқауының күміс жүлдегері, № 85 жалпы білім беру орта мектебінің мұғалімі Сибагатуллина Ольга Александровна.
     Биылғы жылғы олимпиада нәтижесінде   «Үздік олимпиада командасы» деп №93 гимназияның командасы танылды. Сонымен қатар № 97, 3, 39, 38 гимназиялардың және № 41, 77, 68, 36, 76 мектептердің командалары үздіктер қатарынан көрінді. Бұл командалар олимпиада нәтижесінде  үздік ондыққа енді. Үздік нәтиже көрсеткен мектептер мен гимназиялар әкімшілігінің және педагогикалық ұжымының атына алғыс тілектер айтылды.
     Марапаттау рәсімінің соңында өз өнерлерін көрсеткен үлгілік хореографиялық «Волшебная страна», Балалар мен жасөспірімдер сарайының вокалдық «Бозторғай» студиясы, республикалық Медет Мауянов атындағы шығармашылық сайыстың жеңімпазы және №93 гимназия оқушыларының өнерлері марапаттау рәсімінің сәнін келтіре түсті.