Қарағанды қаласы білім ұйымдарының кадет сыныптарына кадеттерді салтанатты қабылдау рәсімі

     Қазақстан Республикасының Тұңғыш Президенті күнін мерекелеу қарсаңында 2017 жылдың 15 қараша күні «Жастар» спорттық кешенінде қала мектептерінің кадет сыныптарына кадеттерді қабылдау бойынша салтанатты ісшара өтті.

     Аталған ісшара өскелең ұрпақты қазақстандық патриотизм рухында тәрбиелеу, ұрпақ сабақтастығын арттыру, сонымен бірге өскелең ұрпақтың бойында өз Отанына деген сүйіспеншілікті қалыптастыру мақсатында ұйымдастырылды.   

     Ісшараға құрметті қонақтар ретінде Қарағанды қалассы әкімінің орынбасары И.Ю. Любарская, Қарулы күштерінің ардагері – отставкадағы контр-адмирал Әбікеев К.К., «Ардагер» одағының (Тәжік-Ауған шекарасында жауынгерлік қимылдарына және әскери қақтығыстарына қатысушылардың)» республикалық қоғамдық бірлестігі Қарағанды  қаласы бойынша төрағасы Н.Ж.Аяғанов, әкімшілік құқық және ішкі істер бөлімінің әкімшілік қызметінің Бейсенов атындағы Қарағанды Академия кафедрасының доценті – полиция подполковнигі Д.А.Амангелдиев, Павлодар қаласының облыстық мамандандырылған әскери мектеп-интернат директорының орынбасары – подполковник Е.Ж.Қариев,авиация және космонавтика мұражайының меңгерушісі – М.А.Карибекова, №58 ЖББОМ кадет аналары кеңесінің төрағасы – Қ.Б.Топенова,  Қазақстан Республикасының Ұлттық гвардиясының  6505 әскери бөлімшесінің оркестрі, 6505 әскери бөлімшесінің сержанты Қосжанов Абзал және ардагерлер ұйымдарының, әскери бөлімшелердің өкілдері, жауынгер-интернационалистер, білім ұйымдарының басшылары, ата-аналар қауымдастығының өкілдері және т.б. қатысты.  

     Кадет сыныптары қаланың 6 білім ұйымдарында, нақты айтқанда №21, 35, 58, 77, 91 мектептерде және №4 мектеп-интернатында ашылған. Биылғы оқу жылында кадет сыныптарында 700 жуық кадеттер оқиды. 

     Аталған мектептерде кадеттермен жұмыс келесі бағыттар: «жас полицейлер» (№21, 91 ОМ), «жас құтқарушылар» (№4 мектеп-интернат), ал №35, 58, 77 мектептерінде - «әскери-патриоттық бағыты» бойынша жүргізіледі.

     Кадет сыныптарының оқушылары әртүрлі (қалалық, облыстық, республикалық) әскери-патриоттық және спорттық байқаулардың белсенді қатысушылары және жеңімпаздары болып табылады.

     Салтанатты ісшара барысында білім ұйымдарының кадет оқушылары өз қойылымдарын көрсетіп, салтанатты вальсін орындап, аталған сыныптарға келген оқушылар кадет Антын салтанатты түрде қабылдады.