«Қарағандының жыл мұғалімі - 2017»

     Мұғалім еңбегі ең мейірімді, жасампаз және шығармашылықты болып саналады. Жас кезден бастап мұғалімдер  бізді ғылым әлеміне жетелейді, адамзат әлеміне қадам басқанда жеке тұлға болуын қалыптастырады, өзінің шәкірттеріне тәжірибесі мен жан жылуын береді. Және де бүгінгі күні мұғалімдер қоғам өмірінің ортасында жүріп жаңа оқыту бағдарламаларды, қазіргі заманғы әдістерді және балалармен жұмыс жасау технологияларды меңгереді, ғылыми жобаларды іске асырады.
      Қазіргі уақытта қарағандылық мектептерде 7 мыңнан астам мұғалімдер және тәрбиешілер жұмыс атқарады, олардың ішінде 200 астам жас мамандар.
    Білім қызметкерлерінің кәсіби мерекесі - Мұғалімдер күні қарсаңында К.Станиславский атындағы  драма  театрында 27 қыркүйек күні салтанатты ісшара өткізілді. Ісшара барысында «Қарағандының жыл мұғалімі - 2017» үшінші қалалық байқаудың қорытындысы шығарылды.   
  Аталған байқауға 39 білім беру ұйымдарының 65 педагогі қатысты. Байқау                4 кезеңнен тұрды, оның ішінде «портфолионы» ұсыну, «ашық пікір-талас», ашық сабақтар өткізу және т.б. Байқаудың аталған кезеңдердің нәтижесінде финалға 8 педагог өтіп, қаланың үздік педагог атағы үшін жарысты жалғастырды: Сибагатуллина О.А., №85 ОМ бастауыш сынып мұғалімі; Ахметов Ж.А., №101 МЛ дене шынықтыру пәнінің мұғалімі; Камалов Э.М., №17 ОМ тарих пәнінің мұғалімі; Мусабекова К.А., №93 гимназияның технология мұғалімі; Искакова Г.М., №58 ОМ математика пәнінің мұғалімі; Садирбеков А.Т., №39 гимназияның тарих пәнінің мұғалімі; Касым Г.М., №36 ОМ қазақ тілі мен әдебиет пәндерінің мұғалімі; Зарубаева Л.Е., №74 ОМ қазақ тілі мен әдебиет пәндерінің мұғалімі.  
     Қазылардың шешімі бойынша «Қарағандының жыл мұғалімі - 2017» атағы №85 ОМ бастауыш сынып мұғалімі О.А.Сибагатуллинаға бұйырды. Әр финалист 100 мың теңгенің, ал жеңімпаз 200 мың теңгенің сертификатына ие болды.
   Қаланың мұғалімдер қауымын және педагогикалық еңбек ардагерлерін Қарағанды қаласының әкімі Н.Е. Әубәкіров, қалалық мәслихат хатшысы                    Қ.Б. Бексұлтанов құттықтап, салтанатты ісшара барысында білім беру ұйымдарының басшыларына, қала мұғалімдеріне және педагогикалық еңбек ардагерлеріне құрмет грамоталарды, алғыс хаттарды табыс етілді.
     Сонымен қатар, ісшарада сазды құттықтауларымен балалар мен жеткіншектер Сарайының «Волшебная страна» үлгілі би ансамблі және «Бозторғай» вокал студиясы, №2 өнер мектебі - ЮНЕСКО клубының педагогтары мен тәрбиенушілері, Қ. Байжанов атындағы КБ солистері бөлісті.