Қаланың білім беру ұйымдарында 2017 жылғы 2 қыркүйекте жаңа 2017-2018 оқу жылының басталуына арналған салтанатты жиындар өткізілді.
Салтанатты жиындардан соң оқушылар «Мәңгілік ел» жалпыұлттық идеясы аясындағы биылғы жылы «Мен - өз Отанымның патриотымын» тақырыбына арналған бірінші сабаққа қатысты.
Салтанатты жиындарға оқушылар, педагогтар, ата-аналар, сонымен қатар арнайы шақырылған қонақтар, олардың ішінде қала және облыс басшылығы, әкімдіктер мен мемлекеттік мекемелердің өкілдері, ардагер ұстаздар, Қарағанды қаласы білім бөлімінің мамандары қатысты.
Білім күнімен және жаңа оқу жылының басталуымен №23 орта мектебінің оқушыларын және педагогтарынҚарағанды облысының әкімі Е.Ж.Қошанов,Қарағанды қаласының әкімі Н.Е. Әубәкіров құттықтады. №23 орта мектепте жаз мезгілінде жөндеу жұмыстары жүргізілген. Салтанатты ісшара алдында қонақтар спорттық және акт залдарын, робототехника кабинетін, физика және биология пәндері бойынша мамандырылған оқу кабинеттерін аралады.
Жалпы жаңа оқу жылында мектеп табалдырығын алғашқы рет 9 мыңға жуық бірінші сынып оқушылары аттады. Ал қала бойынша оқушылардың жалпы саны 60 мыңнан астам оқушыны құрайды.
Қарағанды қаласының білім бөлімі қала мектептерінің оқушылары мен педагогтарын жаңа оқу жылымен құттықтай отырып, жаңа жетістіктер мен табыс тілейді!
Байланыс телефондары
