2017 жылдың 16 маусымында № 92 гимназия ғимаратында білім бөлімінің кеңесі өтіп, онда оқу жылының қорытындысы шығарылды.
Білім бөлімінің басшысы Д.Жекебаев оқу жылының ең маңызды оқиғалары мен оқу жылының қорытындысына тоқталып кетті. Мектепке дейінгі тәрбие беруде – Кеңдала шағынауданында жаңа мемлекеттік «Шаңырақ» балабақшасының ашылуы және 2017 жылдың 1 маусымынан мемлекеттік тапсырыс көлемінің өсуі туралы сөз қозғалды. Маусымның бірінен мемлекеттік және жекеменшік балабақшада ата-ана тарапынан төлем 11 мың теңгені құрайды.
2016-2017 оқу жылы 1 сынып оқушылары мен мұғалімдері үшін ерекше жыл болды. 1 сыныптың барлығы білім беру мазмұнын жаңарту аясындағы бағдарламалар бойынша білім ала бастады. Сонымен қатар оқу жылының маңызды шараларының бірі – жаңа №102 мектептің ашылуы болды.
Оқу іс-әрекеті егжей-тегжейлі қарастырылды: білім сапасы 1,8% көтеріліп, бүгінгі күні 54% құрайды. «Алтын белгі» аттестатқа 43 түлек ие болды, үздік аттестатты 56 түлек және 160 негізгі мектеп бітіруші алды.
Кеңес соңында білім ұйымдарының 2016-2017 жылғы рейтинг қорытындысы шығарылды.
Рейтингтегі жоғары көрсеткіштері үшін дипломдар: № 3 балалар музыка мектебіне, балалар көркемөнер мектебіне; № 51, 68, 8 мектептердің жанындағы шағын орталықтарға;
«Алтын сақа», «Аққу», «Алпамыс», «Алмагүл», «Балақай» балабақшаларына;
№ 17, 81, 66, 83, 41, 68, 6, 65, 32, 18, 59 орта мектептерге, № 87 негізгі мектепке, № 4 мектеп-интернатқа берілді;
№ 3, № 1 гимназияларға, 2 лицейге, 53 мектеп-лицейіне берілді.
2016-2017 оқу жылы бағалауының қорытындысы бойынша үздік деп танылған білім ұйымдары: № 2 өнер мектебі, «Бәйтерек» балабақшасы, №33 МБК жанындағы шағын орталық, № 37, 76 мектептер, № 57 лицей, № 38, 39, 92, 93 гимназиялар.
Рейтинг бойынша жүзден жүйрік, мыңнан тұлпар болып шыққан: Балалар мен жеткіншектер сарайы, «Ақжарқын» жекеменшік балабақшасы, №101 мектеп-лицей.
