Қарағанды қаласының білім бөлімі балалардың сауықтырылуын ұйымдастыру, балалар мен жеткіншектердің арасында салауатты өмір салтын және белсенді демалысты насихаттау мақсатында Бұқар-Жырау ауданының Асыл кентінде орналасқан «Салют» балалар сауықтыру орталығында оқушылардың демалысын ұйымдастыру бойынша жыл сайын белсенді жұмысты жүзеге асырады.
Ағымдағы жылдың 20 маусымында №83 орта мектептен қала мектептерінде оқитын 400-ден астам балалар I ауысымға «Салют» орталығына демалысқа жіберілді.
Орталықта балаларға қызықты танымдық бағдарлама, оның ішінде байқаулар, ойындар, мәдени ісшаралар және балалардың қызығушылығы бойынша сабақтар ұсынылады.
Орталықта демалыс уақытында балалар өздерінің шығармашылық қабілеттерін жетілдіре және дамыта алуы үшін әртүрлі үйірмелер жұмыс жасайды. Балалар орталығының аумағында спорттық алаңқайлар бар, онда балалардың тәжірибелі нұсқаушының жетекшілігімен футбол, волейбол, баскетбол, үстел теннисін ойнауға мүмкіндіктері болады. Сонымен қатар орталық аумағында қазіргі заманға сай жүзу бассейні орналасқан.
2017 жылдың жаз мезгілінде орталықта сауықтыру демалысымен жалпы 2 мыңнан астам балалар қамтылады.
