Қарағанды қаласы білім бөлімінің бастамасымен 2017 жылғы 01 маусымда қаладағы білім беру ұйымдарында Халықаралық балаларды қорғау күнін мерекелеу аясында балалар мен жасөспірімдер үшін мектепішілік және бейіндік демалыс лагерьлерінің салтанатты ашылуы өткізілді.
Балалармен жазғы уақытта жұмыс жасаудың мақсаты олардың демалуын, сауығуын, бос уақыттарын ұйымдастыру үшін жағдай жасау, құқық бұзушылықтың алдын алу, балалар арасында салауатты өмір салтын және белсенді демалысты насихаттау болып табылады.
Ағымдағы жылдың жазғы айларында мектепішілік және бейіндік, оның ішінде лингвистикалық, экологиялық, өлкетану, спорттық және туристік, еңбек, сонымен бірге болашақ бірінші сынып оқушылары үшін - «развивайка», «бөбектер мектебі» атты лагерьлерінде және басқаларында 50 мыңға жуық баланы сауықтыру демалысымен қамту жоспарлануда.
Мектепішілік және бейіндік лагерьлердің бағдарламасына әр түрлі ісшараларды өткізу енгізілді: шығармашылық және музыкалық конкурстар, кездесулер, викториналар, ойындар, спорттық сайыстар, қаланың мәдени-ойын-сауық орталықтарына бару, демалыс орындарына, саябақтарға, кинотеатрларға, хайуанаттар бағына экскурсиялар және басқалары. Барлық жаз айларында мектепішілік және бейіндік лагерьлерге барып жүрген балалармен «Қауіпсіз жаз» акциясы аясында қауіпсіз жүріс-тұрыс мәселелері бойынша нұсқаулықтар және алдын алу сабақтары өткізіледі. Балалардың бос уақыты мен демалысы жаз айларында көгалдандыру бригадаларында, балалар және жасөспірімдер клубтарында, жазғы мектептерде, үйірмелер мен секциядарда ұйымдастырылатын болады.
Қосымша білім беретін ұйымдарда да лагерьлердің және түрлі үйірмелердің жұмысы ұйымдастырылған.
