31 мамыр 2017 жылы Қарағанды қаласының білім бөлімі Қарағанды қаласының әкімдігі ғимаратында Саяси қуғын-сүргін құрбандарын еске алу күніне орай «Алаш Орда: Қазақ мемлекеттілігінің бастауы және қазіргі заман» тақырыбында дөңгелек үстел өткізді.
Дөңгелек үстелдің жұмысын қалалық білім бөлімінің басшысы Д.Ш.Жекебаев ашты. Өз сөзінде ол еліміздегі мәдени-тарихи маңызы бар оқиғаларды, ұлт интеллигенциясы Әлихан Бөкейханның 150 жылдық мерейтойының тойлануын, ұлт-азаттық көтерілісінің қатысушысы, аты аңызға айналған қазақ батыры Кейкі Кокембайұлының бас сүйегінің өз Отанына қайтарылуын атап өтті. Мұндай оқиғалар тарихтағы ақтаңдақтарға жаңаша қарауға, ұғынуға септігің тигізеді
Дөңгелек үстел жұмысына Е. А. Бөкетов атындағы ҚарМУдың арехеология, этнология және Отандық тарих кафедрасының доценттері-Бейсембекова Н. А., Шотбакова Л. К. қатысты. Олар өздерінің Алаш тарихы туралы маңызды мәліметтерімен және қызықты ой-пікірлерімен бөлісті. Алаштың ұлттық интеллигенциядағы, әлемдік тарихи аренадағы орны, АлашОрда үкіметінің қызметі - осы мәселелердің барлығы дөңгелек үстел жұмысында талқыланды.
Дөңгелек үстелге 78 білім беру ұйымынан 10-сынып оқушылары мен педагогтары қатысты. Тарих пәнінің мұғалімдері мен мектеп оқушылары өздерінің ойларымен бөлісіп, «Алаш» партиясы бағдарламасының құндылықтары туралы көзқарастарын білдірді. Қатысушылар отырысты қорытындылай келе, Алаш партиясы мүшелерінің бастамалары мен ұсынған жаңалықтарының бүгінгі күнде де құндылығын жоймағанына көз жеткізді.
Іс-шараның қорытындысы, жобаның электронды жинағы «Қарағанды қаласының білім бөлімі» ММ сайтында орналастырылатын болады.
