Қарағанды қаласының білім бөлімі 2017 жылғы 24 мамырда Тәуелсіздік алаңында Соңғы қоңырау мерекесіне арналған қалалық салтанатты ісшара өткізді.
Мереке 2016-2017 оқу жылын жалпы қорытындылау, мектеп түлектерінің оқу, шығармашылық, спорттық жетістіктерін насихаттау және үздік түлектерді құттықтау, түлектердің өз Отаны үшін мақтаныш сезімдерін тәрбиелеу және болашақта елдің одан әрі дамуына үлес қосу талпыныстарын қалыптастыру, сонымен қатар түлектер мен ата-аналар үшін мерекелік көңіл-күй жасау мақсатында ұйымдастырылды.
Мерекелік ісшара барысында 1700 астам түлекті Қарағанды қаласының әкімі Н.Е. Әубәкіров құттықтады.
2017 жылдың мектеп түлектері - Лукашевич Александр, №16 орта мектебінің түлегі, облыстық және республикалық ғылыми жобалар сайыстарының бірнеше мәрте жеңімпазы, химия пәнінен олимпиадалардың жүлдегері; Шетпунова Елизавета, №9 гимназияның түлегі, орыс тілі және әдебиет пәндерінен облыстық, республикалық және халықаралық олимпиадалардың жеңімпазы; Жумажанова Сабина, №92 гимназияның түлегі, қазақ тілі және әдебиет пәндерінен облыстық, республикалық және халықаралық олимпиадалардың жеңімпазы; Шерстов Алексей, №38 гимназияның түлегі, грэпплинг және спорттық сәнді билер бойынша бірнеше мәрте жеңімпаз, неміс тілі пәнінен олимпиадалардың жеңімпазы; Лукьянчук Дарья, №97 гимназияның түлегі, гуманитарлық пәндер бойынша олимпиадалардың бірнеше мәрте жеңімпазы, «Полиглот» халықаралық байқауының дипломанты және Бондаренко Даниил, №1 гимназияның түлегі, интеллектуалдық және шығармашылық байқауларының жеңімпазы, үштілдік бойынша облыстық олимпиаданың үздік спикері ұстаздар қауымына алғыстарын білдірді.
Салтанатты антты - «Жыл оқушысы-2017» қалалық байқауының жеңімпаздары - №39 гимназияның түлегі, математика және физика пәндері бойынша ғылыми жобалар сайыстарының бірнеше мәрте жеңімпазы Нұрмуханов Сырым, №38 гимназияның түлегі, Қазақстан-Британ техникалық университетінің грант иегері Хван Кристина және барлық түлектер берді.
Ісшараның ең салтанатты сәттерінің бірі - түлектердің салтанатты Ант беру рәсімі, мектеп бітіруші түлектер мен бірінші сынып оқушыларының Соңғы қоңырауды соғуы және №77 МББК мен №58 орта мектебінің кадет сыныптары оқушыларының әскери дефилесі болды.
Ісшараның нағыз мерекелік көңіл-күйін жасауға балалар мен жеткіншектер Сарайының «Волшебная страна», №39 гимназияның «Шолпан» үлгілі хореография ұжымдары, балалар мен жеткіншектер Сарайының «Бозторғай» вокал студиясы мен «Созвездие» тобының қойылымдары, білім ұйымдары педагогтары, Тәттімбет атындағы Қарағанды өнер колледжі, №2 өнер мектебі вокалистері және Қ.Аманжолов атындағы балалар музыка мектебі оқушылырының қойылымдары үлестерін қосты.
