Қарағанды қаласының білім бөлімі Қарағанды қаласының ІІБ Жергілікті полиция қызметімен бірлесе отырып, 2017 жылғы 25-26 сәуірде жол қозғалысы жас инспекторларының қалалық байқауын өткізді.
Байқау балалар жол-көлік жарақаттануының алдын алу, жол ережесін нақты сақтау қажеттілігіне балалардың назарын аудару, балалардың жолда жүру мәдениетін қалыптастыру мақсаттарында ұйымдастырылды. Биылғы оқу жылында аталған қалалық байқауға 50-ден астам мектептің жас инспекторларының жасақтары қатысты. Жас инспекторлар жолда жүру ережелерінің білімпаздары, эрудиттер, санитарлар байқауларында үздік білімдерін, саптық және велосипедпен жүру байқауларында жоғары дайындықтарын, сонымен қатар «Автокөліктің тежеу жолы» атты тақырыбына арналған үгітбригадалар және басқа да байқауларда көрсете білді.
Екі күн бойы өткен байқаудың қорытындысы бойынша жүлделі орындарға жас инспекторлар жасақтары ие болды: Қазыбек би атындағы ауданының білім ұйымдары арасында - №16 ОМ (1 орын), №10 ОМ (2 орын), №45 гимназия (3 орын); Октябрь ауданының білім ұйымдары арасында - №32 ОМ (1 орын), №95 мектеп-гимназия (2 орын), №33 МББК (3 орын). Сонымен қатар жеке номинацияларда жеңімпаздар анықталды: «Жол ережелерінің үздік білгірі» - Ахмадиев И. (№21 НМ), Жумадилов А. (№32 ОМ); «Үздік білімпаз» - Акильдекова А. (№10 ОМ), Гержик В. (№95 мектеп-гимназия); «Үздік санитарлар» - №93 гимназия, №33 МББК; «Үздік реттеуші» - Серекбаев Т. (№100 НМ), Тротко С. (№74 ОМ); «Үздік велосипедші» - Эммих К. (№100 НМ), Мустафин Д. (№82 ОМ). Сонымен бірге, жас инспекторлары жасақтарының жетекшілері арасында өткізілген «Ашық үзіліс» байқауының жеңімпаздары болып атанғандар: Акифьева О.А., №23 ОМ; Швачкина С.Ю., №95 мектеп-гимназия.
Қалалық байқауда 1 орынға ие болған №16 ОМ және №32 ОМ жас инспекторлар жасақтары ағымдағы жылғы мамыр айында облыстық байқауға Қарағанды қаласының атынан қатысатын болады.
