«Roboland 2017» робототехникадан халықаралық фестивальдің қорытындысы

2017 жылғы 22-23 сәуір аралығында Қарағанды қаласында «Roboland 2017» робототехникадан халықаралық фестиваль өтті.

Фестиваль  жастар мен оқушылардың шығармашылық белсенділігін дамыту,  робототехниканы насихаттап, оны  білім беру саласындағы қауымдастықтарда біріктіріп, дамыту мақсатында өткізілді.  

Фестивальдің ашылуына ҚР Білім және ғылым министрі  Ерлан Сағадиев қатысып, сайыскерлерге сәттілік тіледі.

Фестивальге Қазақстанның барлық облыстарынан және Ресейден 400-ге жуық команда, 800-ден аса робототехникамен әуестенген оқушылар қатысты.

Еліміздің басқа облыстарынан келген командаларды қарсы алып, оларға фестивальге қатысты сұрақтар бойынша кеңес беріп, көмек көрсеткен қала мектептері педагогтарының атқарған үлкен жұмыстарын атап өту қажет. Қала бойынша бұл жұмысқа 110 волонтер тартылды.  

Сайыс 24 номинация бойынша өтті. Соның ішінде алғаш рет өткізілген «Roboland Kazakhstan» категориясын атап өту қажет. Бұл сайысты өткізу үшін еліміздің картасына ұқсастырылған бірегей полигон жасалды. Мұнда автономды робот Қазақстанның 6 өңірінен өтіп, қажетті тапсырмаларды орындау қажет. Сонымен қатар,  фестиваль роботтар арасында футбол, квадрокоптерлерді басқару, 3D-прототиптеу, су роботтарының лабиринті, виртуалы әлем, билейтін роботтар және т.б. сайыстар бойынша өткізілді.

Фестиваль аясында қазақстандық және шетелдік өндірушілердің заманауи робототехникалық өнімдері көрмесі ұйымдастырылып, Гонконг, Санкт-Петербург және Алматы қалаларынан  шақырылған тренерлер оқушыларға, педагогтарға және келген қонақтарға семинарлар мен шеберлік сыныптарын жүргізді. 

Қарағанды қаласының атынан аталған фестивальге 10 білім ұйымдарынан  (9, 16, 23, 32, 36, 38, 53, 57, 92, 101) 56 команда қатысты. Сайыстың қорытындысы бойынша  Қарағанды облысы жүлделі орындардың саны бойынша 1 орынды иеленді. Қарағанды қаласының қоржынында 10 жүлделі орын:

Фестивальдың шеңберінде «Мен және менің роботым» атты суреттер мен қолдан жасалған бұйымдардың байқауы ұйымдастырылған болатын. Аталған байқауға қаламыздан 9 жұмыс ұсынылып, оның 2-уі жүлделі орынды иеленді. 

Барлық жеңімпаздар Қарағанды облысы білім басқармасының дипломдары мен арнайы сыйлықтарымен марпатталды.

Қарағанды қаласының білім бөлімі фестивальді өткізуге көрсеткен үлестері үшін еріктілерге үлкен алғысын білдіреді және барлық қатысушылар мен жеңімпаздарды, мұғалімдерді, ата-аналарды құттықтайды! Алда сәттілік пен жаңа жетістіктер тілейміз!