2017 жылғы 17 сәуір мен 20 сәуір аралығында педагог қызметкерлер мен оларға теңестірілген тұлғаларға білім ұйымдарының аттестаттау комиссиясы шешімдері бойынша бірінші санатты беру, растау жөніндегі қалалық аттестаттау комиссиясының жұмысы аяқталды. Қалалық аттестаттау комиссиясы бірінші санатты беруге, растауға берілген 307 педагогикалық қызметкерлердің материалдарын қарады. Атқарып отырған лауазымының дипломы бойынша мамандығы сәйкес келмеуі себебінен келесі № 32,35,50,53,57,73 білім ұйымдарының 6 –ты педагогына бірінші санатты беру және растау шешімін бекітпеді.
Қалалық аттестаттау комиссиясы отырысының қорытындысы бойынша облыстық комиссияға жоғары санатты беру, растау үшін 454 педагогикалық қызметкерлердің материалдары жолданды.
Қаланың білім ұйымдары педагогтарын аттестаттау Білім және ғылым министрлігінің “Педагог қызметкерлер мен оларға теңестірілген тұлғаларды аттестаттаудан өткізу қағидалары мен шарттары” 2016 жылғы 27 қаңтардағы № 83 және “Педагог қызметкерлер мен оларға теңестірілген тұлғалар лауазымдарының үлгілік біліктілік сипаттамалары” 2013 жылғы 27 желтоқсандағы № 512 бұйрықтарына сәйкес өткізілді.
Қалалық аттестаттау комиссиясы барлық педагог қызметкерлер мен оларға теңестірілген тұлғаларды бірінші біліктілік санатқа өтуімен құттықтайды.
