15 жалпы білім беретін пәндер бойынша оқушылардың Республикалық олимпиадасының қорытындысы

«2016-2017 оқу жылы жалпы білім беретін пәндер бойынша республикалық олимпиаданы өткізу туралы» Қазақстан Республикасы білім және ғылым Министрінің 2016 жылғы 21 қыркүйуктегі № 565 бұйрығына сәйкес 2017 жылғы 13-18 наурыз аралығында Павлодар қаласында жаратылыстану-математикалық цикл пәндері бойынша, ал 2017 жылғы 23-28 наурыз аралығында Атырау қаласында қоғамдық-гуманитарлық цикл пәндері бойынша оқушылар олимпиадасының республикалық кезеңі өткізілді.
    Олимпиаданың негізгі мақсаты – оқушылардың шығармашылық мүмкіндіктерін дамыту, теориялық білімдерін және тәжірибелік икемділіктерін тереңдету, тұлғаның өздігінен жүзеге асуына қолғабыс ету, дарынды балаларды анықтау үшін, халықаралық олимпиадаларға қатысуға оқушыларды іріктеп алу және дайындау үшін қажетті жағдайларды жасау, Қазақстан Республикасында білімнің беделін арттыру.
    Ақтық кезеңге Республиканың барлық өңірлерінен  жаратылыстану-математикалық бағыт пәндері бойынша 9-11 сыныптардың 735 оқушысы, ал қоғамдық-гумманитарлық бағыт пәндері бойынша 10-11 сыныптардың 577 оқушысы қатысты.  
    Қарағанды облысы командасының құрамына 9-11 сыныптардан 60 бала кірді, олардың ішінде 13 бала қаламыздың 6 білім ұйымында оқитындар. Екі турдың қорытындысы бойынша келесі оқушылар Республикалық олимпиаданың жеңімпаздары және жүлдегерлері атанды:
1.    Стёпкин Артур – № 17  ЖББОМ, 11 сынып – Қазақстан тарихы – 1 орын.
2.    Ефизов Давид – № 38 гимназия, 10 сынып – құқықтану - 2 орын.
3.    Хван Кристина –№ 38 гимназия, 11 сынып – қазақ тілі және әдебиеті – 3 орын.
4.    Переверзнева Эвелина – № 93 гимназия, 10 сынып – неміс тілі – 4 орын.
5.    Яушев Фарух – № 2 лицей, 11 сынып, математика – сертификат.
6.    Омарова Асель – № 93 гимназия, 11 сынып, құқықтану – сертификат.
7.    Шерстов Алексей – № 38 гимназия, 11 сынып, неміс тілі – сертификат.
8.    Рында Юлия – № 3 гимназия, 11 сынып, француз тілі - сертификат.
9.    Чернявская Полина – № 38 гимназия, 10 сынып – орыс тілі және әдебиеті – сертификат.
10.     Кираз Мелисса Ирэм – № 97 гимназия, 10 сынып – француз тілі - сертификат.
11.     Аимбетова Тана – № 3 гимназия, 11 сынып – француз тілі  – сертификат.
12.     Лаисцева Милена – № 2 лицей, 11 сынып – математика – сертификат.
13.    Тришкин Андрей – № 97 гимназия, 10 сынып – химия – сертификат.
    Республикалық олимпиаданың қорытындысы бойынша Қарағанды облысының командасы ІІ жалпыкомандалық орынға ие болды.
    Қарағанды қаласының білім бөлімі Республикалық олимпиадаға қатысушыларды және жеңімпаздарды, мұғалімдерді, ата-аналарды құттықтайды және мұғалімдерге – шығармашылық табыс және сәттілік, ал балаларға алдағы уақытқа табыстар  мен жаңа жеңістер тілдейді.