1 сәуір күні жаңа №102 мектеп-гимназиясында алғашқы қоңырау соғылды. Бұл Қарағанды қаласының барлық тұрғындары үшін маңызды оқиға. Қаламызда 15 жылдан астам уақыт бойы жаңа мектептер салынбаған, оған қажеттілік те болған емес. Бірақ Қарағанды қаласы бой көтеруде, тұрғындар саны көбеюде, жаңа шағынаудандар салынуда және орын алуда.
Аталған шағынауданда желтоқсан айында «Шаңырақ» мемлекеттік бала бақшасы ашылған, бүгінгі таңда жаңа мектеп ашылуда.
Жаңа мектеп қала мектептеріндегі үш ауысымдық оқытуды жою мақсатында Президенттің тапсырмасымен «Нұрлы жол» бағдарламасы аясында салынған. Мектепті салуға, жабдықтандыруға және безендіруге 1,8 млрд теңге жұмсалды. Жаңадан салынған мектеп ғимараты қаламыздағы ерекше мектеп.
Оқыту қазақ және орыс тілдерінде жүргізіледі. №102 мектеп-гимназиясында әртүрлі бағыттағы кеңейтілген және тереңдетілген білімді қамтамасыз ететін оқу бағдарламалары жүзеге асырылады.
Аталған мектепте физика, химия, технология және қазіргі заманға сай компьютерлік техникалармен жабдықталған информатика кабинеттері бар. Сонымен қатар, оқушылардың шығармашылық және спорттық қабілеттерін дамытуға бағытталған робототехника, хореография, қолданбалы-сәндік өнері және спорттық секциялар жұмысы жоспарлануда.
Қала әкімі Н.Е.Әубәкіров жаңа мектеп оқушылары мен олардың ата-аналарын құттықтау сөзінде мектептің облысымызда ғана емес, бүкіл Республикамызда үздік орын алатынына сенім білдірді.
Жаңа мектептің ашылуы салтанатында №39 гимназияның «Шолпан» үлгілі хореографиялық ансамблі, балалар мен жеткіншектер Сарайының «Бозторғай» вокал студиясы және балалар мен жеткіншектер Сарайының қосымша білім берудің педагогі М.Мауиянов өздерінің сазды құттықтауларын ұсынды.
№102 мектеп-гимназиясына 20-дан астам №23 ОМ және №101 мектеп-гимназиясының мектепалды дайындық және бастауыш мектеп сыныптарының оқушылары педагогтерімен бірге ауыстырылды.
5-10 сыныптарға оқушыларды қабылдау 2017 жылдың 1 маусымынан басталады.
