Қазақстан Республикасы Тәуелсіздігінің 20-жылдығын тойлау қарсаңында 2011 ж. 03 желтоқсан күні «Жас Ұлан» атты жаңа балалар ұйымына 5-6 сынып оқитын 75 қарағандылық оқушыны салтанатты қабылдауы өткізілді.
Елбасы Нұрсұлтан Әбішұлы Назарбаевтың бастамасымен құрылған «Жас Ұлан» бірыңғай балалар мен жасөспірімдер ұйымы» Республикалық қоғамдық ұйымына оқушыларды қабылдаудың негізгі мақсаттары өскелең ұрпақты патриоттық тәрбиелеу, оқушылардың қоғамдық, әлеуметтік, танымдық және шығармашылық қабілеттерін дамыту, сонымен қатар әлеуметтік-танымдық бастамаларды жүзеге асыру болып табылады.
Іс-шара барысында жас «жасұландықтар» салтанатты түрде «Жас Ұлан» ұйымының антын берді, ал вожатылар және арнайы шақырылған қонақтар, оның ішінде соғыс және еңбек ардагерлері мен еңбек сіңірген педагогтар салтанатты түрде балалардың мойындарына көк түсті галстуктерді тақты.
Өздерінің құттықтауларын және тілектерін оқушыларға қарт адамдар және «Нұр Отан» Халықтық-Демократиялық партиясының Қарағанды қалалық филиалының өкілдері айтты.
Сонымен қатар, іс-шара соңында «Жас Сұңқар» патриоттық әндер конкурсының қорытындысы жасалды.
Байланыс телефондары
