2017 жылдың 20 қаңтарында КММ № 5 ЖББОМ ресурс орталығында аудан мектептерінің 9-11 сынып оқушылары үшін «Түлектің кәсіби таңдауы – 2017: жұмысшы, инженерлік – техникалық, медициналық және экономикалық мамандықтар» кәсіби бағдар беру көрмесі өткізілді.
Көрмеге Қарағанды қаласының оқу орындары ҚарМТУ, ҚарМУ, КММУ, ККЭУ, 9 колледж және әлеуметтік серіктестіктер өздерінің ақпараттық стендтерін, презентацияларын, ұйым төлқұжатын, түлектердің мамандық таңдауына көмек болатын үлестіру материалдарын ұсынды. Көрме қонақтары студенттердің жобаларымен, аймақтың инженерлік – техникалық және жұмысшы мамандықтарының тапшылығын дәлелдейтін ақпарат ұсыныстармен танысты.
Сонымен қатар бұл күні Ы.Алтынсарин атындағы ҰБА – ның, «Нұр Отан» партиясының, "Қарағанды облысының кәсіпкерлер ассоциациясының"ҚБ, Жұмыспен қамту және әлеуметтік бағдарламалар орталығының, ЖББОМ № 51 КММ ресурс орталықтарының өкілдері қатысқан «Бірыңғай білім беру кеңістігі жағдайында жоғарғы сынып оқушыларын кәсіби білім мен қызметке бағыттау және дайындау: ресурстық орталық-колледж-ЖОО-өндіріс» атты семинар - кеңесі өтті.
Көрмеге Қарағанды қаласының Оңтүстік-шығыс ауданынан 1 мыңнан астам жоғарғы сынып оқушылары мен мұғалімдер қатысты.
