Қазақстан Республикасының Тәуелсіздік күні қарсаңында, Қарағандылық бүлдіршіндер үшін Кеңдала шағын ауданында мемлекеттік жаңа "Шаңырақ" балабақшасы және Майқұдықта жеке меншік "Армашка" балабақшасы ашылып, бүлдіршіндер үшін ерекше сыйлық болды.
22 желтоқсанда тағы бір жеке меншік "Інкәрім" балабақшасы ашылады. "Інкарім" балабақшасының ғимараты 2016 жылы қалпына келтірілген. Қалпына келтіру жұмыстары жеке инвестициялар есебінен жүргізілді. Құрылтайшы – Фархад Маденов.
Балабақша қазіргі заманғы мектепке дейінгі ұйым талаптарына сай, медициналық блок, музыка залы, психолог кабинеті, логопед кабинеті бар. Барлық үй-жайлар жаңа жиһаздармен, ойыншықтармен жабдықталған. Жатын бөлмелер мен оқу бөлмелері бөлек. Білім беру процесінің ерекшеліктері – "кабинеттік жүйе", әр сабақ арнайы жабдықталған кабинеттерде жүргізіледі: ағылшын тілі кабинеті, қазақ тілі кабинеті, бейнелеу өнері және т. б.
Балабақшада 2017 жылдың басында 150 орындық мектепке дейінгі тәрбие бойынша мемлекеттік тапсырысты орналастыру жоспарлануда.
"Інкәрім" - 2016 жылы ашылған тоғыз жекеменшік балабақшаның бірі. Осы 1265 орындық тоғыз балабақшаның ашылуы, жеке кәсіпкерлермен бірлесіп мектепке дейінгі тәрбиемен қамту мәселесін ғана емес, жаңа ваканттық орындардың ашылуымен де өз септігін тигізіп отыр.
Мекенжай: Кирпичная көшесі, 14. Тел. 87089595745
