Қарағанды қаласының білім бөлімі балалар мен жеткіншектер Сарайында 2016 жылдың 14 желтоқсанында Қарағанды қаласы әкімінің орынбасары И.Ю. Любарскаяның қатысуымен Қазақстан Республикасы Тәуелсіздігінің 25 жылдығына арналған «Отаным - Тәуелсіз Қазақстан!» атты салтанатты мерекелік бағдарлама өткізді.
Мерекелік ісшараға білім ұйымдарының директорлары, директорлардың орынбасарлары және педагоготары, Қарағанды қаласы аудандарының білім қызметкерлерінің кәсіподақ ұйымдарының және қала мектептері мен мектепке дейінгі ұйымдарының бастапқы кәсіподақ ұйымдарының төрағалары, педагогикалық еңбек ардагерлері, сонымен бірге 1986 жылдың желтоқсан оқиғаларының қатысушылары және басқа да шақырылған қонақтар қатысты.
Салтанатты ісшара барысында Қарағанды қаласы әкімінің орынбасары И.Ю. Любарская құттықтау сөз сөйлеп, білім, спорт саласының қызметкерлеріне және 1986 жылдың желтоқсан оқиғаларының қатысушыларына «Қазақстан Республикасының Тәуелсіздігіне 25 жыл» мерекелік медалін табыстады. Сонымен бірге, қаланың әлеуметтік-экономикалық дамуына қосқан үлесі, белсенді еңбек және қоғамдық жұмысы үшін әртүрлі сала қызметкерлеріне Қарағанды қаласы әкімінің Құрмет грамоталары және алғыс хаттары табыс етілді.
Мерекеде қатысушыларды Қарағанды қаласы білім бөлімінің басшысы Д.Ш. Жекебаев құттықтап, Қазақстан Республикасы Тәуелсізідігінің 25 жылдығын мерекелеу аясында білім қызметкерлеріне Қарағанды қаласы білім бөлімінің Құрмет грамоталарын және алғыс хаттарын табыстады.
Мерекеге ерекше салтанатты әсерді қаланың білім ұйымдары педагогтарының арасында жыл сайын өткізілетін көркем шығармашылығы байқауының жеңімпаздары №58 орта мектебінің, «Айсұлу» және «Бәйтерек» балабақшаларының, №77 МББК, №101 мектеп-лицейдің педагогикалық ұжымдарының әсем қойылымдары, сонымен қатар Қарағанды қаласының Юнеско Клубы-№2 өнер мектебінің «Сарыарқа әуендері» фольклор ансамблі бере алды.
