Жыл сайынғы жалпы жалпыреспубликалық «Мектепке жол» акциясы 2016 жылдың 1 тамызынан 30 қыркүйекке дейін өтеді.
Дәстүр бойынша акция барысында мектеп жасындағы балаларды білім ұйымдарында оқумен қамту, әсіресе күн көрісі төмен отбасылардан шыққан балаларға әлеуметтік көмек көрсету жөніндегі іс-шараларды өткізу жоспарлануда.
Былтыр Қарағанды қаласы бойынша акция барысында 6500 балаға 40 миллон теңгеге материалдық көмек көрсетілді. Оның ішінде демеушілер мен меценаттар 36 миллон теңгеден астам сомаға көмек көрсетті.
Биылғы оқу жылында жалпыреспубликалық акция «Бақытты балалық шақ мекені» ұранымен өтеді.
Азаматтардың өтініштерін жедел қарастыру үшін білім бөлімінде «жедел желі» телефондарының үздіксіз жұмысы ұйымдастырылды: 343915, 343413, 343886.
Жалпы, мектеп жасындағы барлық балалар, оның ішінде аз қамтылған, көп балалы, жайсыз, толық емес, ерекше қажеттілігі бар балалардың, жетім балалар мен ата-анасының қамқорынсыз қалған балалардың, девиантты мінез-құлықты, тәуекел тобындағы және өзге де әлеуметтік осал топтағы балалардың оқумен қамтылуына жағдай жасау жөніндегі жан-жақты шаралар қабылданады.
2016 жылғы 03 тамыз күні сағат 11.00.-де №81 орта мектебінде «Мектепке жол» жалпыреспубликалық акциясына арналған баспасөз-конференциясы өткізілді. Аталған іс-шараға Қарағанды қаласының мәслихаты, білім бөлімі, жергілікті полиция, білім ұйымдары өкілдері және демеушілер қатысты.
Іс-шара барысында акцияның мақсаттары түсіндірілді және әлеуметтік көмекке мұқтаж балаларға мектеп заттары (рюкзактар; мектеп, спорттық киімдер) табыс етілді.
