Балалар мен жасөспірімдер арасында салауатты өмір салтын насихаттау, оларды спортқа тарту мақсатында Халықаралық нашақорлықпен күресу күні қарсаңында 2016 жылдың 23 маусымында №65 орта мектебінде Қарағанды қаласы ІІБ есірткі бизнеспен күресу жөніндегі бөлімімен Қарағанды қаласы білім бөлімінің қолдауымен спорт Күні аясында спорттық ісшаралар ұйымдастырылды.
Балалардың қатысуымен спорттық станциялар бойынша ойын саяхаты, «көңілді жарыстар» және эстафеталар ұйымдастырылды. Ал №65 орта мектебінің және №101 мектеп-лицейдің футбол командаларының арасында ұйымдастырылған матч ерекше көңілді өтті. Матч нәтижесінде №65 орта мектебінің жас футболшылары жеңіске жетіп, барлық балаларға кубоктар мен сыйлықтар табыс етілді.
Халықаралық нашақорлықпен күресу күні аясында спорттық ісшаралар барлық білім ұйымдарында өткізіледі
