Қарағанды қаласының білім бөлімі 2016 жылғы 24 мамырда Достық үйінің алаңында Соңғы қоңырау мерекесіне арналған қалалық салтанатты ісшара өткізді.
Мереке 2015-2016 оқу жылын жалпы қорытындылау, мектеп түлектерінің оқу, шығармашылық, спорттық жетістіктерін насихаттау және үздік түлектерді құттықтау, түлектердің өз Отаны үшін мақтаныш сезімдерін тәрбиелеу және болашақта елдің одан әрі дамуына үлес қосу талпыныстарын қалыптастыру, сонымен қатар түлектер мен ата-аналар үшін мерекелік көңіл-күй жасау мақсатында ұйымдастырылды.
Мерекелік ісшара барысында 1700 астам түлекті Қарағанды қаласының әкімі Н.Е. Әубәкіров, педагогикалық еңбек ардагері М.К. Жошина құттықтады.
Ұстаздар қауымына алғыстарын - Андрейченко Дарья, №38 гимназияның түлегі, Билла Гейтс стипендиясының иегері және АҚШ Дьюк Университетіне қабылданған, үздік аттестатқа үміткер; Патакин Николай, №2 лицейдің түлегі, Мәскеу қаласындағы «Компьютерная физика» Халықаралық сайыстардың, М.В.Ломоносов атындағы олимпиаданың жеңімпазы, «Олимпиады Физтех» олимпиаданың жүлдегері, «Алтын белгі» аттестатына үміткер және Курманалиев Нурхан, №39 гимназияның түлегі, У.Джолдасбеков атындағы математика және механикадан ғылыми жобалардың Халықаралық байқаудың Диплом иегері, спорттық акробатика мен батутта секіруден халықаралық турнирлердің, Қазақстан чемпионатының жүлдегері, Болгариядағы әлем кубогының қатысушысы, дзюдо және кикбоксингтан әртүрлі сайыстардың жеңімпазы айтты.
Салтанатты антты - «Жыл оқушысы-2016» қалалық байқауының жеңімпазы, №53 мектеп-лицейдің түлегі Кайратов Арман және дүниежүзілік тарих пен Қазақстан тарихы пәндерінен Халықаралық олимпиадалардың жеңімпазы, №93 гимназияның түлегі Тарасова Вера және барлық түлектер берді.
Ісшараның ең салтанатты сәттерінің бірі мектеп бітіруші түлектер мен бірінші сынып оқушыларының Соңғы қоңырауды соғуы және қаланың үздік түлектерін, олардың ішінде облыстық, республикалық, халықаралық деңгейлерде өткен пәндік олимпиадалардың, шығармашылық байқаулардың, спорттық сайыстардың жеңімпазын құрметпен атап өту рәсімі болды.
Ісшараның нағыз мерекелік көңіл-күйін жасауға №95 мектеп-гимназия оқушыларының үгіткөрсетілімі, балалар мен жеткіншектер Сарайының «Волшебная страна», №39 гимназияның «Шолпан» үлгілі хореография ұжымдары, балалар мен жеткіншектер Сарайының «Бозторғай» вокал студиясы және қаланың балалар музыка мектептерінің және өнер мектептерінің солистері үлестерін қосты.
