Қарағанды қаласы білім бөлімінің ұйымдастыруымен 2016 жылдың 14 мамыр күні 52 білім беру ұйымдарының 11-сынып түлектері және ата-аналардың қатысуымен «Жетістікке жету формуласы» қалалық жалпыға бірдей психологиялық сағат ұйымдастырылды.
Психологиялық сағаттың мақсаты: «Ұлттық бірыңғай тестілеу мен емтиханға дайындық кезінде түлектер мен ата-аналарға толық психологиялық қолдау көрсету».
Психологиялық қолдау – емтихан тапсырушы оқушының сәттілігін анықтайтын негізгі фактордың бірі. Балаға қолдау көрсету – оған сенім білдірудің ең маңыздысы. Осыған орай ұйымдастырылған психологиялық сағатқа білім беру ұйымдарының 1342 түлегі мен 872 ата-ана қатысты. Шара барысында ұйымдастырылған жаттығулар мен біріккен іс-әрекет оқушылармен қарым-қатынас пен психологиялық даму сұрақтары бойынша құзыреттілігін арттыруға, ҰБТ мен емтиханға дайындалуда өз балаларымен қарым-қатынас жасауда педагогикалық ұстанымдарын өзгерту және ҰБТ-ны сәтті тапсыру ұстанымдарын дамытуға бағытталған..
Жалпыға бірдей қалалық психологиялық сағатқа қатысушылар шараның мазмұндылығы мен өзектілігін және ұйымдастырылуын жоғары бағалады. Рефлексия қорытындысы аталған психологиялық сағаттың ҰБТ тапсырушы оқушыларға қолдау көрсетуде маңыздылығын атап көрсетті.
