Жаппай қорғаныс және әскери-патриоттық жұмыс айлығы аясында және Отан қорғаушылар күнін мерекелеу қарсаңында балалар мен жеткіншектер Сарайында 2016 жылғы 20 сәуірде «Қалқан» әскери-спорттық ойынның қалалық кезеңі өткізілді.
Өскелең ұрпаққа әскери-патриоттық тәрбие беру, ұрпақ сабақтастығын нығайту мақсатында ұйымдастырылған ісшараға қаланың 50-ден астам білім ұйымдарының оқушылары қатысты.
Ісшара бағдарламасына «Теория. Медициналық дайындықтың негіздерін білу» және «Жауынгерлік парақты қорғау» байқаулары енгізілді. Сонымен қатар, қатысушылар саптық дайындығы бойынша бақтарын сынады.
Ойынның қорытындысы бойынша жүлделі орындарға ие болғандар: 1 орын - №35 ОМ; 2 орын - №2 лицей, №59 ОМ; 3 орын - №32 ОМ, №101 МЛ.
Жалпы екінші қезеңнің қорытындысы бойынша ағымдағы жылдың мамыр айында өткізілетін ойынның облыстық финалына қаланың 12 білім ұйымы қатысады.
