Балалар мен жеткіншектер Сарайы Қарағанды қаласы білім бөлімінің қолдауымен 2016 жылдың 16 сәуірінде «Жас Ұлан» бірыңғай балалар мен жасөспірімдер ұйымының қатарындағы қала мектептерінің оқушылары үшін «Көсбасшы мектебі» атты оқыту бағдарламасын өткізді.
Жаппай қорғаныс және әскери-патриоттық айлығы аясында ұйымдастырылған ісшара «Жас Ұлан» БЖҰ жұмысын арттыру, оқушылардың коммуникативті және көсбасшылық қабілеттерін дамыту, сонымен қатар оқушылардың бастамаларын қолдау мақсатында өткізілді.
Ісшара барысында қатысушылар «Шығармашылық белсенділікті арттыру», «Ақпараттық кеңістік», «Жауапты мінез-құлық», «Волонтерлік қозғалыс», «Көсбасшылық тренинг» атты бес топтың жұмысына қатысты. Аталған топтардағы жұмыс қызықты тренинг және ойын форматтарында ұйымдастырылды.
Сонымен қатар, топтардағы жұмыстан кейін қатысушылар «Балалардың сұрақтары - үлкендердің жауаптары» атты бағдарламаға қатысып, онда балалар өз сұрақтарына жауап алды.
