Қарағанды қаласы білім бөлімі қалалық ішкі саясат бөлімінің қолдауымен 2016 жылдың 7 сәуір күні №57 мектеп-лицейінде жаппай қорғаныс және әскери-патриоттық жұмыс айлығының салтанатты ашылуын өткізді.
Аталған ісшараға Ұлы Отан соғысының ардагерлері, жауынгер-интернационалистер, қала мектептері кадет сыныптарының оқушылары, «Жас Ұлан» балалар мен жасөспірімдер ұйымының белсенділері, қала мектептерінің директорлары, педагогтары және тағы басқалар қатысты.
Ісшарада Қарағанды қаласы әкімі аппаратының әлеуметтік саланы үйлестіру және ішкі саясат бөлімінің басшысы З.М. Мұқанова, ардагерлердің қалалық кеңесінің төрағасы Т.Е. Зейнешев және Ауған соғысы ардагерлерінің қалалық кеңесінің төрағасы Т.Б. Хасенов қатысушыларды құттықтады.
Ісшара барысында Совет Одағының батыры Ю.Н. Павлов атындағы №35 орта мектебінің және №58 орта мектебінің оқушы-кадеттері, №77 МББК «Жас Ұлан» балалар мен жасөспірімдер ұйымының мүшелері, сонымен қатар Қ. Аманжолов атындағы балалар музыка мектебінің тәрбиеленушісі Жұмағұлова А. және республикалық шығармашылық байқаулардың жеңімпазы Мауиянов М. өз қойылымдарын ұсынды.
Ағымдағы жылдың 07 мамырына дейін өткізілетін айлық аясында барлық білім беру ұйымдарында патриоттық бағыттағы әртүрлі ісшаралар ұйымдастырылады.
