Қарағанды қаласы білім бөлімінің бастамасымен 2016 жылдың 10 наурызында №57 мектеп-лицейі базасында қала мектептері оқушыларының арасында қалалық «құқықтық дәрістер» бастауына арналған ісшара өткізілді.
Екі бөлімде ұйымдастырылған ісшара оқушыларға құқықтық тәрбие беру, олардың құқықтық білімдерін жетілдіру, сонымен қатар кәмелетке толмағандардың арасында құқық бұзушылықтың алдын алу мақсатында өткізілді.
Ісшараға 6-10 сынып оқушылары, оның ішінде әртүрлі алдын алу тіркеуде тұрғандар, сонымен бірге білім ұйымдары директорлардың тәрбие ісі жөніндегі орынбасарлары, әлеуметтік педагогтары және психологтары, аймақтық полиция бөлімдерінің инспекторлары қатысты.
Ісшараның бірінші бөлімінде қатысушылар ағымдағы жылдың ақпан айында өткен «Құқықтық сақшы» атты қалалық байқауының қорытындысы бойынша жеңімпаздар болып атанған білім ұйымдарындағы полицияға қолғабыс етуші шұғыл жасақтарының үздік үгіткөріністерін тамашалады.
Ісшараның екінші бөлімі 6 топта «құқықтық дәріс» форматында ұйымдастырылып, онда оқушыларға олардың құқықтары мен міндеттері, қолданыстағы заңнаманың нормалары түсіндірілді. «Құқықтық дәрістердің» қызықты ойын және тренинг түрінде өткізілгені, оларға оқушылардың белсенді қатысуына және де олармен тиімді «кері байланысты» орнатуға септігін тигізді.
Қалалық «құқықтық дәрістер» қаланың әртүрлі мектептер базаларында ағымдағы оқу жылының соңына дейін өткізіледі.
