Балалар мен жеткіншектер Сарайында 2016 жылдың 17 ақпанында «Қалқан» әскери-спорттық ойынның бірінші кезені, анық айтқанда сахналандырылған әскери-патриоттық әндер байқауы өткізілді.
Совет әскерінің Ауғаныстаннан шығарылуының 27-жылдығына арналған бұл байқауға Қарағанды қаласындағы 50-ден астам білім ұйымдарының оқушылары қатысты.
Байқау өскелең ұрпаққа әскери-патриоттық тәрбие беру, ұрпақ сабақтастығын нығайту, сонымен қатар оқушылардың шығармашылық қабілеттерін дамыту мақсатында ұйымдастырылды. Ісшараға құрметті қонақтар ретінде жауынгер-интернационалистер шақырылды.
Байқаудың қорытындысы бойынша жүлделі орындарға ие болғандар: 1 орын - №1 гимназия, №95 мектеп-гимназия, №52, 61 орта мектептер; 2 орын - №101 мектеп-лицей; 3 орын - №77 МББК.
