2016 жылғы 05 ақпанда Қарағанды қаласы ББ басшылығымен Қарағанды Экономикалық Кәсіподақұйымы Университетінің студенттер сарайында қала әкімінің орынбасары И.Ю.Любарскаяның қатысуымен Республикалық олимпиаданың қалалық кезеңінің жеңімпаздары мен жүлдегерлерін марапатау рәсімі болып өтті. Салтанатты ісшара Қазақстан Республикасы Тәуелсіздігінің 25 жылдығын және қала Күнін мерекелеу аясында ұйымдастырылды.Студенттер сарайында қаланың 34 мектебінен келген өз пәнінің білгірі екенін дәлелдей алған оқушылар, мұғалімдер, ата-аналар, педагогикалық еңбек ардагерлері, қоғамдық ұйым өкілдері,білім ұйымдарының басшылары қатысып отырды.
Қала әкімінің орынбасары И.Ю. Любарская олимпиада жеңімпаздарына өз сөзін арнай отырып: «Сендер біздің мақтанышымызсыңдар! Сендер тек өздеріңді ғана емес мектептеріңді де лайықты көрсете білдіңдер. Ой саналарыңның кеңдігін, өз білімдеріңнің тереңдігін, ойлау ерекшеліктеріңді, ең бастысы үздік болуға деген құлшыныстырыңды лайықты деңгейде көрсете алдыңыздар» Марапаттау рәсімінде И.Ю. Любарская соңғы 4 жыл бойы әр түрлі деңгейдегі пән олимпиадалары мен зияткерлік сайыстардың жеңімпаздары мен жүлдегерлері атанған оқушылардың ата-аналарына Қарағанды қаласының әкімі Н.Е.Әубәкіровтің алғыс хатын табыс етті.
Сондай-ақ олимпиада жүлдегерлері мен жеңімпаздарын марапаттау үшін «Парасат» орденінің кавалері,Қазақстан Республикасының еңбек сіңірген қайраткері Омарбекова Р.К., Қазақстан Республикасының еңбек сіңірген спорт шебері, жеңіл атлетикадан Афинада өткен жазғы олимпиада орындарының күміс жүлдегері Карпов Д.В., Қарағанды Экономикалық Кәсіподақұйымы Университетінің проректоры, тарих ғылымдарының докторы, профессор Абилов К.Ж., Ыбырай Алтынсарин атындағы төс белгісінің және сыйлықтың иегері, білім беру ісінің үздігі, педагогикалық еңбек ардагері Иванова Н.И., №93 гимназияның 2012 жылғы түлегі, Қазақстан тарихы мен география пәндері бойынша олимпиадалардың бірнеше дүркін жеңімпазы, «Әнім саған,Қарағанды» атты аймақтық байқаудың лауреаты, бірінші «Жыл оқушысы-2012» қалалық байқаудың жеңімпазы, «Алтын белгі» иегері Раимжанов Рауан және №97 гимназияның 2015 жылғы түлегі, қазақ тілі пәнінен облыстық және республикалық ғылыми жобалар сайысының жеңімпазы, халықаралық «Чтения Вернадского – 2015» оқуларының жүлдегері, «Жыл оқушысы – 2015» байқауының жеңімпазы Жорова Анна келді.
Биылғы жылғы олимпиада нәтижесінде «Үздік олимпиада командасы» деп №38 гимназияның командасы танылды. Сонымен қатар №93,97,3,39 гимназиялардың және №41,66,77,12 мектептердің командалары үздіктер қатарынан көрінді. Бұл командалар олимпиада нәтижесінде үздік ондыққа енді. Үздік нәтиже көрсеткен мектептер мен гимназиялар әкімшілігінің және педагогикалық ұжымының атына алғыс тілектер айтылды.
Марапаттау рәсімінің соңында өз өнерлерін көрсеткен үлгілік хореографиялық «Волшебная страна», Балалар мен жасөспірімдер сарайының вокалдық «Бозторғай» студиясы, республикалық Медет Мауиянов атындағы шығармашылық сайыстың жеңімпазы, М. Жұмабаев атындағы №39 гимназияның үлгілік хореографиялық «Шолпан» би ансамблінің және №93 гимназия оқушыларының өнерлері марапаттау рәсімінің сәнін келтіре түсті.
