Қазақстан жаңа жаһандық нақты ахуалда: өсім, реформалар, даму. Қазақстан Республикасының Президенті – Елбасы Н.Ә.Назарбаевтың Қазақстан халқына Жолдауы шеңберінде 2016 жылдың 22 қаңтарында КММ № 5 ЖББОМ ресурс орталығында Оңтүстік мөлтек аудан мектептерінің 9-10-11 сынып оқушылары, ата-аналары мен педагогикалық қызметкерлер үшін «Түлектің кәсіби таңдауы – 2016: жұмысшы, инженерлік – техникалық, медициналық және экономикалық мамандықтар» кәсіби бағдар беру көрмесі өткізілді.
Қатысушылар: Ы.Алтынсарин атындағы ұлттық білім академиясы, әлеуметтік серіктестіктер (ЖОО, колледждер, кәсіпорындар мен ұйымдар), халыққа қызмет көрсету орталығы, Оңтүстік мөлтек аудандағы мектептер, «Жас Орда» ҚарМТУ-нің студенттер белсенділері, КММУ, ККЭУ және ресурс орталығының «Танымгер» бірлестігінің оқушылары.
Көрмеге әлеуметтік серіктестіктер өздерінің ақпараттық стендтерін, презентацияларын, ұйым төлқұжатын, үлестіру материалдарын, студенттердің жобаларын, ОБК (оқу – білім кешендерін), аймақтың инженерлік – техникалық және жұмысшы мамандықтарына тапшылығын дәлелдейтін ақпараттар ұсынды.
Кәсіби бағдар беру көрмесінің ерекшілігі – оқушылар ЖОО, колледждер, кәсіпорындар, ұйымдардың өкілдерімен кездесіп, олардан оқуға түсу ережелерімен танысты, Қарағанды облысы аумағында тапшы мамандықтар мен бәсекеге қабілетті мамандықтары туралы мағлұмат алды. Осындай кәсіби бағдар жұмысы жоғарғы сынып оқушыларына болашақ мамандық таңдауда дұрыс және саналы бағыт беруге ықпал етеді.
Сонымен қатар бұл күні «Жоғарғы сынып оқушыларын кәсіби білім мен қызметке бағыттау және дайындау: жұмысшы, инженерлік–техникалық, медициналық және экономикалық мамандықтар» атты семинар - кеңесі өтті.
Семинар – кеңесте Ы.Алтынсарин атындағы ҰБА – ның білімді зерттеу орталығының директоры, педагогика ғылымының докторы, профессор Ибышев Ержар Садуахасович: Қазақстан Республикасының Президенті – Елбасы Н.Ә.Назарбаевтың Қазақстан халқына Жолдауында жарияланған «Қазақстан жаңа жаһандық нақты ахуалда: өсім, реформалар, даму» тақырыбы бойынша сөз сөйледі.
Көрмеге 1 мыңнан астам жоғарғы сынып оқушылары, ата-аналар, педагогтар, кәсіби бағдар берушілер қатысты.
