Қаламыздағы мектепке дейінгі мекемелер тәрбиеленушілерінің патриоттық ән айту мәдениеті арқылы көркемдік талғамдарын, және шығармашылық қабілеттерін жан-жақты дамыту, отаншылдық сана сезімдерін қалыптастыру мақсатында Қазақстан Республикасының Тәуелсіздік күнін мерекелеуге арналған іс-шаралар аясында Қарағанды қаласының білім бөлімімен 2015 жылғы 14 желтоқсанда балалар мен жеткіншектер Сарайының концерттік залында «Менің елім-Тәуелсіз Қазақстан» атты патриоттық әннің қалалық фестивалі өтті. Іс-шараға қаладағы мемлекеттік, жекеменшік балабақшаларының және шағын орталықтарының тәрбиеленушілері қатысты.
Фестиваль қатысушылары 2015 жылғы 8- 11 желтоқсан аралығында өткен мектепке дейінгі жастағы 680 бүлдіршін қатысқан. Фестивальдың іріктеу кезеңіне 56 мектепке дейінгі мекемелердің ішінде ең үздік аталған 17 мектепке дейінгі мекемелері жеңімпаздар атанды.
Үздіктің үздіктері, олар – «Алпамыс», «Ақжарқын», «Алданыш», «Алтын сақа», «Балақай», «Бақыт», «Бәйтерек», «Балапан», «Балбөбек», «Балдәурен», «Гаухар», «Қарлығаш», «Қуаныш» балабақшалары және №20, 36 мектеп жанындағы шағын орталықтардың балалары өздерінің әртістік шеберліктерін көрнекті және қызықты желіде көрсетті.
Қарағанды қаласы білім бөлімі барша қала тұрғындарын Қазақстан Республикасының Тәуелсіздік күні мерекесімен құттықтайды! Отанымызға тыныштық, елімізге береке, отбасымызға амандық, саулық тілейді!
