Қарағанды қаласының білім бөлімі 2015 жылғы 22 мамырда Тәуелсіздік алаңында Соңғы қоңырау мерекесіне арналған қалалық салтанатты ісшара өткізді.
Мереке 2014-2015 оқу жылын жалпы қорытындылау, мектеп түлектерінің оқу, шығармашылық, спорттық жетістіктерін насихаттау және үздік түлектерді құттықтау, түлектердің өз Отаны үшін мақтаныш сезімдерін тәрбиелеу және болашақта елдің одан әрі дамуына үлес қосу талпыныстарын қалыптастыру, сонымен қатар түлектер мен ата-аналар үшін мерекелік көңіл-күй жасау мақсатында ұйымдастырылды.
Мерекелік ісшараға Қарағанды қаласының әкімі Н.Е. Әубәкіров, Ұлы Отан соғысының ардагерлері, ардагер ұстаздар, мектеп түлектері мен мұғалімдер, ата-аналар, сонымен қатар Кеңес Одағының екі мәрте Батыры Т.Я. Бегельдинов атындағы Қарағанды Республикасылық әскери мектеп-интернаттың дабылшылары қатысты.
Салтанатты ісшара «Мәңгілік алау» Мемориалына Ұлы Отан соғысы ардагерлемірмен және түлектермен гүл шоқтарын қою рәсімінен басталды. Аталған рәсім барысында өз тілегін жас түлектерге Ұлы Отан соғысының ардагері Беркут Есжанов және аға ұрпаққа барлық түлектердің атынан №38 гимназияның түлегі К. Марденов білдірді.
Мерекелік ісшара барысында 2000 астам түлекті Қарағанды қаласының әкімі Н.Е. Әубәкіров, педагогикалық еңбек ардагері М.М. Оспанова құттықтады. Интеллектуалдық олимпиадалардың, шығармашылық байқаулар мен спорттық сайыстардың жеңімпаздары - жас түлектер С. Жұманбаев (№30 ОМ), К. Мак (№81 ОМ), Н. Төлеубай (№57 МЛ) барлық түлектердің атынан ұстаздар қауымына алғыс білдірді. Салтанатты антты «Жыл оқушысы - 2015» қалалық байқаудың жеңімпаздары Ә. Мұхамежданов (№93 гимназия), А. Жорова (№97 гимназия) және қаланың барлық түлектері берді.
Ісшараның ең салтанатты сәттерінің бірі мектеп бітіруші түлектер мен бірінші сынып оқушыларының Соңғы қоңырауды соғуы және қаланың үздік түлектерін, олардың ішінде облыстық, республикалық, халықаралық деңгейлерде өткен пәндік олимпиадалардың, шығармашылық байқаулардың, спорттық сайыстардың 120 жеңімпазын құрметпен атап өту рәсімі болды.
Ісшараның нағыз мерекелік көңіл-күйінін жасауға балалар мен жеткіншектер Сарайының «Волшебная страна», №39 гимназияның «Шолпан» үлгілі хореография ұжымдары, балалар мен жеткіншектер Сарайының «Бозторғай» вокал студиясы және Қ. Аманжолов атындағы балалар музыка мектебінің тәрбиеленушісі А. Жұмағұлова үлестерін қосты.
