Қарағанды қаласының білім бөлімі Қарағанды қаласының ІІБ әкімшілік полиция бөлімімен бірлесе отырып, 2015 жылғы 14-15 мамыр аралығында №15 және №74 орта мектептерде жол қозғалысы жас инспекторларының қалалық байқауын өткізді.
Байқау балалар жол-көлік жарақаттануының алдын алу жөніндегі жұмысты арттыру, жол ережесін нақты сақтау қажеттілігіне балалардың назарын аудару, балалардың жолда жүру мәдениетін қалыптастыру мақсаттарында ұйымдастырылды. Биылғы оқу жылында аталған қалалық байқауға 40-тан астам мектеп жас инспекторларының жасақтары қатысты. Жас инспекторлар жолда жүру ережелерінің білімпаздары, эрудиттер, реттеушілер, санитарлар байқауларында өз білімдерін, алғашқы рет өткізілген жас инспекторлар туралы үздік ән байқауында шығармашылық қабілеттерін, сондай-ақ саптық және велосипедпен жүру байқауларында, Ұлы Отан соғысы Жеңісінің 70-жылдығына және жарық шағылыстыратын элементтерін насихаттау бойынша «Алыстан байқалған-апаттан құтқарылған!» тақырыбына арналған үгітбригадалары байқауларында жоғары дайындықтарын көрсете білді.
Екі күн бойы өткен байқаудың қорытындысы бойынша жүлделі орындарға келесі жас инспекторлар жасақтары ие болды: Қазыбек би атындағы ауданның білім ұйымдары арасында - №39 гимназия (1 орын), №63 орта мектеп (2 орын), №16,66 орта мектептер (3 орын); Октябрь ауданының білім ұйымдары арасында - №95 мектеп-гимназия (1 орын), №12 орта мектеп (2 орын), №32,33 орта мектептер (3 орын). Сонымен қатар жеке номинацияларда жеңімпаздар анықталды: «Жол ережелерінің үздік білгірі» - Рымбаева Д. (№45гимназия), Подгорнова К. (№95мектеп-гимназия); «Үздік білімпаз» - Жаксыбаева Д. (№5 ОМ), Маковецкий Е. (№32 ОМ); «Үздік санитар» - Ли В. (№15 ОМ), Аукен А. (№36 ОМ); «Үздік реттеуші» - Омирбекова Ф. (№27 ОМ), Есмуханов Р. (№95 мектеп-гимназия);«Үздік велосипедші» - Эммих К. (№100 НМ), Ничипоренко Д. (№95 мектеп-гимназия). Жеңімпаздар грамоталармен және бағалы сыйлықтармен марапатталды.
Қалалық байқауда 1 орынға ие болған №39 гимназияның және №95 мектеп-гимназияның жас инспекторлар жасақтары ағымдағы жылғы маусымда облыстық байқауға Қарағанды қаласының атынан қатысатын болады.
