Ұлы Отан соғысы Жеңісінің 70-жылдығын мерекелеу аясында Қарағанды қаласының білім бөлімімен 2015 жылдың 4-5 мамырында №2 өнер мектебінде «Ұлы Жеңіс - ел есінде!» атты қалалық театрландырылғын қойылым фестиваль-конкурсы өткізілді.
Конкурс өскелең ұрпақты әскери-патриоттық рухта тәрбиелеу, оқушылардың бойында тарихқа және аға буынға деген құрметпен қарауды қалыптастыру, ұрпақ сабақтастығын нығайту, ізгілікке, рухани-адамгершілік және мәдени құндылықтарға тәрбиелеу, сонымен қатар оқушылардың шығармашылық қабілеттерін дамыту мақсатында ұйымдастырылды.
Конкурсқа қаланың 40-қа жуық мектептерінің оқушылары қатысты және соғыс ардагерлері мен қатысушыларының, тыл еңбеккерлерінің ерліктерін қамтып, болашақ өскелең ұрпақтар үшін Ұлы Жеңістің маңыздылығына арналған әртүрлі әскери тақырыптағы әдеби-музыкалық композицияларды, қойылым-суреттеулерді ұсынды.
Фестиваль-конкурстың қорытындысы бойынша жүлделі орындарға ие болғандар: №2 лицей, №11 ОМ (1 орын); №1, 9, 45, 95 гимназиялар, №8 ОМ (2 орын); №97 гимназия, №88, 36, 46, 74 ОМ, №68 МББК (3 орын).
Қарағанды қаласының білім бөлімі оқушылар мен әріптестерді Ұлы Отан соғысы Жеңісінің 70-жылдығымен шын жүректен құттықтайды!
Қолына қару алып шайқасқан ардагерлердің жанқиярлық ерлігі мен батырлығы, тылдағы еңбегі Отанға қызмет етудің жарқын үлгісі болып табылады. Олардың Ұлы Жеңісі, өмірлік кеменгерлігі мен тәжірибесі өскелең ұрпақ үшін баға жетпес байлық және отансүйгіштік пен адамгершіліктің жоғарғы өлшемі болып қала береді.
Осы мереке күндері қымбатты ардагерлерімізге зор денсаулық, бақыт пен береке тілейміз!
Еліміздің аспаны әрқашан ашық болсын!
