2015 жылғы 17 сәуірде Қарағанды қаласының білім бөлімімен балалар мен жеткіншектер Сарайында алғаш рет Қазақ хандығының 550-жылдығына арналған «Қазақ хандығына 550 жыл» тақырыбында гуманитарлық-ағарту конференциясы өткізілді. Конференцияға Қарағанды қаласы әкімінің орынбасары И.Ю.Любарская, Е.А.Бөкетов атындағы Қарағанды мемлекеттік университетінің арехеология, этнология және отандық тарих кафедрасының доценттері Л.И. Зуева мен М.С. Жакин қатысты.
Сонымен қатар конференцияға 78 білім ұйымынан педагогтар және 9-11 сыныптардың оқушылары да қатысты. Қазақ, орыс және ағылшын тілдерінде 60 аса жұмыс ұсынылды. Пленарлық отырыста № 6,64,27 ОМ оқушылары Д.Токжуманова, К.Сенькин, К.Ефименко «Қасым ханның қасқа жолы», «Есім ханның ескі жолы» және «Жеті Жарғы» заңдары нормаларының мәселелерін көтерді және осы құқықтық ескерткіштер аса өмірлік маңызды мәселелер шешілген уақытта көшпенділердің құқықтық плюрализмін көрсетті деген ойға келді.
№38 гимназияның тарих пәні мұғалімі Я.А.Золотарева, К.Акимжанова,№ 1 гимназияның оқушысы Жәнібек, Керей, Қасым және Тәуке хандар сияқты халықтың бірлігін сақтауда үлкен рөль атқарған ұлы хандар туралы айтып берді.
Конференция жұмысының қорытындысы электронды нұсқадағы жинақ болады. Бұл жинақ «Қарағанды қаласының білім бөлімі» ММ сайтында жарияланады.
