Ағымдағы жылдың 23-27 наурыз аралығында Санкт-Петербург қаласында Ресей Федерациясы мәдениет Министрлігінің және Ресей Федерациясы Президентінің Федералды Грантының мемлекеттік қолдауымен «Наше будущее» атты балалар шығармашылығын қолдау және дамытудың Халықаралық қайырымдылық қорымен ұйымдастырылған «Золотой Феникс» атты XI Халықаралық байқауы өтті.
Байқауға қатысушылар өз шеберліктерін әртүрлі жанрларда көрсетті, оның ішінде вокал (эстрадалық, джаз, академиялық, халықтық), хореография (классикалық би, заманауи пластика, эстрада биі, халықтық биі, халықтық стильге салынған би, бал билері, модерн, би театры, шоу-тобы, көше биі); сәндер театры (прет-а-порте, кешкілік киім, балалар мен жеткіншектерге арналған киім, тарихи костюм, сахналық костюм); хормен ән айту; аспаптық музыка, өзіндік жанр, көркем сөз және басқалар.
Қазақстан Республикасының намысын байқауда Қарағанды, Атырау, Қызылорда қалаларынан келген бірнеше жас топтарындағы шығармашылық ұжымдар мен жеке орындаушылар қорғады. Осындай деңгейдегі байқауға Сұрыптау кентінде орналасқан балалар мен жеткіншектер Сарайы бөлімшесінің «Балдаурен» домбыра үйірмесінің және «Наз қоңыр» вокал-эстрадалық үйірмесінің жас орындаушылары алғаш рет қатысты.
Байқаудың қорытындысы бойынша қазылар алқасын баурап алған қарағандылық қатысушылар бірнеше жүлделі орынға ие болды:«Ішекті халықтық аспаптар» (соло)номинациясында:Оралбаева Салтанат (1 орын), Жумашев Диас (2 орын); «Ішекті халықтық аспаптар» (дуэт) номинациясында: Толеген Мади мен Жумашев Диас (1 орын); «Вокал» номинациясында:Кабдула Аяулым (1 орын), Балғымбекова Надира (2 орын).Ал байқаудың ең жас қатысушысы 6 жастағы Хохленкова Валерия «Приз симпатий» Дипломымен марапатталды. Сонымен қатар, 26 жасқа дейін жас санатында байқауға қатысқан «Наз қоңыр» вокал-эстрадалық үйірмесінің жетекшісі Мауиянов Медет Гран-при иегері атанды.
Қарағанды қаласының білім бөлімі Халықаралық байқауға қатысушылардың барлығын құттықтайды және жаңа шығармашылық жеңістер тілейді!
