Қарағанды қаласының 80-жылдығы аясында 2014 жылдың 09 шілде күні Қарағанды қаласының әкімі Н.Е. Әубәкіровтің қатысуымен Бұқар-Жырау ауданының Асыл кентінде орналасқан «Салют» балалар сауықтыру орталығында заманауи жүзу бассейннің салтанатты ашылуы өткізілді.
Ауданы 1200 кв.м. жүзу бассейннің аумағында суға түсу кешендері, демалу орындары және басқалары орнатылған.
Ағымдағы жылдың 04 шілдеден бастап «Салют» орталығында 400 астам бала демалуда. Салтанатты ісшара барысында Қарағанды қаласының әкімі Н.Е. Әубәкіров балаларды және тәрбиешілерді орталықта жаңа бассейннің ашылуымен құттықтап, балаларға жақсы демалуға тілек білдірді.
Демалып жатқан балалар судағы қызықты би композиясын көрсетті. Бассейннің салтанатты ашылуы көңілді су жарыстарымен жалғасты.
