Қарағанды қаласы білім бөлімінің қолдауымен балалар мен жеткіншектер Сарайы 2014 жылғы 06 шілдеде елорданың 16 жылдық мерейтойы және «Жас Ұлан» бірыңғай балалар мен жеткіншектер ұйымының құрылған күніне қаладағы білім ұйымдарының мектепішілік лагерьлеріне қатысып жүрген балаларды «Жас Ұлан» БЖҰ қатарына салтанатты қабылдауды ұйымдастырды.
Оқушыларды Елбасы Н.Ә. Назарабаевтың бастамасымен құрылған «Жас Ұлан» бірыңғай балалар мен жеткіншектер ұйымы қатарына қабылдаудың басты мақсаттары: өскелең ұрпаққа патриоттық тәрбие беру, балалардың танымдық және шығармашылық белсенділіктерін арттыру, сонымен қатар әлеуметтік маңызы бар бастамаларды іске асыру болып табылады.
Ісшара барысында «жасұландықтар» ұйымның салтанатты антын қабылдап, ал мектеп тәлімгерлері, арнай шақырылған қонақтар, олардың ішінде еңбек ардгерлері балаларға көк түсті галстуктер тақты. Қабылдау соңында балалар мен жеткіншектер Сарайының «Бозторғай» вокал студиясы, сонымен қатар көптеген халықаралық байқаулар мен фестивальдардың Бас жүлденің иегері Берік Қазкен өздерінің музыкалық құттықтауларын ісшараға қатысқандардың бәріне сыйлады.
