Балалар мен жеткіншектер Сарайында 2014 жылдың 20 маусымында Қарағанды қаласы білім бөлімінің Кеңесі өткізілді. Кеңеске білім беру ұйымдарының директорлары, олардың оқу және тәрбие ісі жөніндегі орынбасарлары, мектепке дейінгі ұйымдардың әдіскерлері қатысты.
Кеңесте 2013-2014 оқу жылының қорытындысы қарастырылды. Ісшара барысында жұмыстың барлық бағыттары: оқу, тәрбие, кадр, әдістемелік және балалардың құқықтарын қорғау бойынша талдау жасаумен білім бөлімінің сектор және әдістемелік кабинет меңгерушілері баяндама жасады. Барлық ақпарат төртінші жыл жүргізіліп келе жатқан рейтинг негізінде жасалды.
Өз баяндамасында Қарағанды қаласы білім бөлімінің басшысы Жекебаев Д.Ш.: «Рейтинг тек сандық қана емес, сонымен қатар сапалы нәтижені арттырып, менеджменттің жетілуі, жарысқа түсу мүмкіндігін жасау, тәрбие және әдістемелік жұмысын жандандыру және білім ұйымдарының бәсекеге қабілеттерінің дамуына ықпалын тигізеді» деп атап өтті.
Кеңестің соңында жұмыстың барлық бағыттары бойынша оң нәтижеге жеткені және рейтингтің жоғары көрсеткіштеріне иеленгендері үшін келесі білім ұйымдары білім бөлімінің грамотасымен марапатталды: №101 МЛ, №93, 39 гимназиялар, №66, 23, 41 ОМ, №37, 44, 91 НМ, «Алмагүл», «Балдырған», «Аққу» балабақшалары, №33 МББК жанындағы шағын-орталығы, Балалар мен жеткіншектер Сарайы, №2 өнер мектебі, №2 балалар музыка мектебі.
Байланыс телефондары
