Қарағанды қаласы білім бөлімінің қолдауымен 2014 жылдың 10 маусымында №2 өнер мектебінің «Салют» балалар сауықтыру орталығында жазғы демалыс маусымының салтанатты ашылуы өткізілді.
Бұқар Жырау ауданының Асыл кентінде орналасқан «Салют» орталығында 1 аусымда ағымдағы жылдың 04 маусымынан бастап қаланың 28 мектебінен келген 300-ден астам бала демалуда.
Салтанатты ісшара барысында жазғы демалыстың басталуымен балаларды Қарағанды қаласы білім бөлімінің басшысы Д.Ш. Жекебаев құттықтады. Өздерінің музыкалық құттықтауларын белгілі қарағандылық әнші және композитор Марат Бекишев, көптеген республикалық және халықаралық байқаулардың дипломанты Жанзакова Аида ұсынды.
Тәжірибелі педагогтар мен тәрбиешілердің әзірлеген оқыту-сауықтыру бағдарламасы байқаулар, дискотекалар, спорттық эстафеталар, викториналар, ойындар, мәдени-танымдық ісшаралар, балалардың қызығушылықтары бойынша сабақтардан тұрады. Орталықта балалардың шығармашылық қабілеттерін жетілдіру және дамыту үшін хореографиялық, музыкалық, вокалдық студиялар және бейнелеу студиясы жұмыс жасайды. Орталық аумағында балаларға арналған футбол, волейбол, баскетбол, үстел теннисі бойынша ойнауға арналған спорттық алаңдар бар. Сонымен қатар, орталықта 1 ауысымда балалар үшін «Алақай» атты сурет бағыты бойынша облыстық арт-плэнер ұйымдастырылып, салтанатты ісшара барысында қорытындыланды.
Байланыс телефондары
