Қарағанды қаласының білім бөлімі балалардың сауықтыруын ұйымдастыру, құқық бұзушылықтың алдын алу, балалар мен жеткіншектердің арасында салауатты өмір салтын насихаттау мақсатында «Салют» балалар сауықтыру орталығында 2014 жылдың жаз мезгілінде оқушылардың демалысын ұйымдастыру бойынша белсенді жұмыс атқаруда.
Ағымдағы жылдың 04 маусымында №83 орта мектептен 28 білім ұйымдарында оқитын 300-ден астам балалар I ауысымға «Салют» орталығына демалысқа жіберілді.
Орталықта балаларға қызықты танымдық бағдарлама, оның ішінде байқаулар, ойындар, мәдени ісшаралар және балалардың қызығушылығы бойынша сабақтар ұсынылады. Биылғы жылы орталықта балалар үшін «Алақай» атты облыстық арт-пленэр-мастер-класс және «Би жұлдызы» атты би лагері ұйымдастырылады.
Барлық ауысымдарда спорттық, шығармашылық, бейнелеу бағыттары бойынша үйірмелердің жұмысы ұйымдастырылатын болады. Сонымен қатар, орталық аумағында орналасқан спорт алаңдарында балалар үшін әртүрлі спорттық сайыстар және эстафеталар ұйымдастырылады.
Байланыс телефондары
