Қарағанды қаласының білім бөлімі 2014 жылғы 23 мамырда Тәуелсіздік алаңында Соңғы қоңырау мерекесіне арналған қалалық салтанатты ісшара өткізді.
Мереке 2013-2014 оқу жылының жалпы қорытындыларын жасау, мектеп түлектерін оқу, шығармашылық, спорттық жетістіктерін насихаттау және үздік түлектерді құттықтау, түлектердің өз Отаны үшін мақтаныш сезімдерін тәрбиелеу және болашақта елдің одан әрі дамуына үлес қосу талпыныстарын қалыптастыру, сонымен қатар түлектер мен ата-аналар үшін мерекелік атмосферасын жасау мақсатында ұйымдастырылды.
Мерекелік ісшараға Қарағанды қаласының әкімі М.А. Смағұлов, ардагер ұстаздар, мектеп түлектері мен мұғалімдер, ата-аналар қатысты.
Мерекелік ісшара барысында 2000-нан астам түлекті Қарағанды қаласының әкімі М.А. Смағұлов, педагогикалық еңбек ардагері Ж.М. Ахметжанова құттықтады. «Жыл оқушысы - 2014» қалалық байқаудың жеңімпаздары Волошина Валерия (№38 гимназия) және Оспанов Тимур (№9 гимназия) барлық жас түлектердің атынан ұстаздар қауымына алғыс білдірді. Салтанатты антты Оспанов Бахтияр (№101 мектеп-лицей), Горбунова Карина (№97 гимназия) және қаланың барлық түлектері берді.
Ісшараның ең салтанатты сәттерінің бірі Соңғы қоңырау соғу және қаланың үздік түлектерін, олардың ішінде облыстық, республикалық, халықаралық деңгейлерде өткен пәндік олимпиадалардың, шығармашылық байқаулардың, спорттық сайыстардың 140 жеңімпазын құрметпен атап өту рәсімі болды.
Мереке барысында 2014 жылдың барлық түлектері атынан Қарағанды қаласының әкіміне қала мерейтойына арналған естелік тілектер Кітабы табыс етілді. Кітапта қаланың 80-жылдығына арналған 2000 астам түлектердің тілектері, құттықтаулары, авторлық тақпақтары, сонымен қатар оқушылардың мектеп өмірлерінен фотолар жиналды.
Ісшараның нағыз мерекелік көңіл-күйін жасауға балалар мен жеткіншектер Сарайының «Волшебная страна», №39 гимназияның «Шолпан» үлгілі хореография ұжымдары, балалар мен жеткіншектер Сарайының «Бозторғай» вокал студиясы және Тәттімбет атындағы колледждің «Шабыт» тобы үлестерін қосты.
