16 наурызда білім бөлімінде он-лайн режімінде Бүкіләлемдік құрт ауруымен күреске арналған конференция өтті. Оған қала мектептері, дәрігерлер, білім бөлімінің және салауатты өмір салты орталығының мамандары қатысты.
Аурудыдың алдын-алу, емдеу өзекті мәселелері бойынша облыстық туберкулез диспансерінің мамандарымен қызықты да мәнді әңгімелесу болып өтті. № 35, 88, 81 жалпы білім беретін орта мектептер, № 9, 97 гимназиялар – конференцияға белсенді қатысты, туберкулездің алдын алу және салауатты өмір салтын насихаттау бойынша өз мектептерінің қызықты жұмыстарын көрсетті.
Айлық 23 ақпан мен 24 наурыз аралығында өтеді және туберкулездің алдын алу мәселелерінде оқушылардың санитарлық сауаттылығын арттыруға бағытталған. Қаланың барлық мектептерінде конкурстар, викториналар, дөңгелек столдар, спорттық жарыстар, денсаулық сабақтары, тақырыптық диктанттар, сурет конкурстары, балалар суреттерінің көрмесі, педагогтарға семинарлар, тақырыптық кітап көрмелері өткізілді, бейнероликтер, ақпараттық-шолу материалдары қаралды; медициналық мекемелердің мамандары туберкулездің алдын алу мәселелеріне қатысты кеңестер берді.
Байланыс телефондары
